సెక్స్ రాకెట్: ఐపియల్ చీర్‌లీడర్, ఏజెంట్ అరెస్టు

పూణే: ఓ బాలీవుడ్ తారకు చెందిన ఓ ఐపియల్ జట్టు చీర్‌లీడర్‌ను సెక్స్ రాకెట్ కేసులో పోలీసులు పూణేలో అరెస్టు చేశారు. నిందితురాలిని సానా మనీష్ చిరవాలా (22)గా గుర్తించారు. ఐపియల్ మ్యాచుల సందర్భంగా ఆమె చీర్‌లీడర్‌గా వ్యవహరించింది. వ్యభిచారం కేసులో సామాజిక భద్రతా విభాగం పూణే పోలీసులు సానాను బుధవారం అరెస్టు చేశారు. ఓ ఫైవ్ స్టార్ హోటల్లో పోలీసులు ఆమెను అరెస్టు చేశారు .

సానాతో పాటు ఆమె స్థానిక ఏజెంటు సీమా జగ్‌తాప్‌ను కూడా పోలీసులు అరెస్టు చేశారు. సానా ఒక రాత్రి ఒక కస్టమర్ నుంచి 1.5 లక్షల రూపాయల వరకు వసూలు చేస్తుందని పోలీసులు అంటున్నారు. హోటల్, ఇతర చార్జీలు కాకుండానే ఆమె ఆ మొత్తాన్ని తీసుకుంటుందని పోలీసులు చెప్పారు .

ముంబైలోని కాంటాక్ట్ ద్వారా సానా జగ్‌తాప్‌తో సంబంధాలు కొనసాగిస్తూ వస్తోందని, సానా సెల్‌ఫోన్ నుంచి తాము వివరాలు సేకరించామని, తన కార్యకలాపాల కోసం ఆమె విదేశాలకు వెళ్లినట్లు కూడా తెలుస్తోందని పోలీసులు వివరించారు.

మరో సంఘటనకు సంబంధించి సామాజిక భద్రతా విభాగం పోలీసులు హోటల్ యోగిరాజ్‌పై కేసు నమోదు చేశారు. వ్యభిచారం నిర్వహిస్తున్నాడనే ఆరోపణపై హోటల్ మేనేజర్‌ను అరెస్టు చేశారు. దాడులు చేసి పోలీసులు ముగ్గురు మైనర్ బాలికలను, మహిళలను రక్షించారు.

English summary

A cheerleader attached with an IPL team owned by a Bollywood star was arrested in Pune for involvement in a prostitution racket. The accused has been identified as Sana Manish Chirawala (22), who worked as a cheerleader during the IPL matches.