• search

ఎస్సైపై దాడి, అరెస్ట్ భయం: అజ్ఞాతంలో టిడిపి ఎమ్మెల్యే!

By Srinivas
Subscribe to Oneindia Telugu
For Quick Alerts
ALLOW NOTIFICATIONS
For Daily Alerts
    West Godavari District
    ఏలూరు: పశ్చిమ గోదావరి జిల్లా తెలుగుదేశం పార్టీ దెందులూరు శాసనసభ్యుడు చింతమనేని ప్రభాకర్ పైన ఎస్సీ, ఎస్టీ అట్రాసిటీ కేసు నమోదయింది. ఆయనను అరెస్టు చేసేందుకు పోలీసులు ప్రయత్నాలు చేస్తున్నారు. దీంతో అతను అజ్ఞాతంలోకి వెళ్లినట్లుగా వార్తలు వస్తున్నాయి. చింతమనేని ప్రభాకర్ కోసం ఆరు పోలీసుల బృందాలు రంగంలోకి దిగినట్లుగా తెలుస్తోంది. అతనిని అరెస్టు చేసేందుకు పోలీసులు విస్తృతంగా గాలిస్తున్నారని సమాచారం.

    కాగా చింతమనేని ప్రభాకర్ పైన, ఆయన గన్‌మెన్ పైన పోలీసులు ఎస్సీ, ఎస్టీ అట్రాసిటీ కేసును సోమవారం నమోదు చేశారు. వారితో పాటు మరో ఇద్దరి పైనా కేసు నమోదయింది. పెదవేగి ఎస్సై బండి మోహన రావు సిబ్బందితో పినకడిమి గ్రామానికి వెళ్లారు. అక్కడ పేకాట ఆడుతున్న వారిని పట్టుకున్నారు.

    పేకాట ఆడుతున్న వారిని పట్టుకొని తీసుకు వెళ్తుండగా ఎమ్మెల్యే తన కారుతో తమను అడ్డగించారని, తనను చంపుతానంటూ బెదిరిస్తూ కొట్టారని ఎస్సై పోలీసు స్టేషన్‌లో ఫిర్యాదు చేశారు. ఎమ్మెల్యే గన్‌మన్, అనుచరులు శాసనసభ్యుడికి సహకరించారని ఫిర్యాదులో పేర్కొన్నారు.

    ఎస్సై ఫిర్యాదు మేరకు పోలీసులు కేసు నమోదు చేసుకొని ఆయనను అరెస్టు చేయాలని భావించారు. గన్‌మన్, మరో ఇద్దరిని అదుపులోకి తీసుకున్నారు. ఎమ్మెల్యే కోర్టులో లొంగిపోతారన్న సమాచారంతో సోమవారం ఆ పరిసరాల్లో మోహరించిన పోలీసులు ఆయన రాకపోవడంతో వెనుదిరిగారు. ఈ రోజు ఆయన కోసం గాలిస్తున్నారు.

    English summary
    It is said that West Godavari Police are searching for Denduluru Telugudesam Party MLA Chintamaneni Prabhakar.

    Oneindia బ్రేకింగ్ న్యూస్
    రోజంతా తాజా వార్తలను పొందండి

    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more