తుపాకీతో పూనం, కల్సిన మోడీ, నితీష్!(హోలీ పిక్చర్స్)

By Srinivas

Published: Wednesday, March 27, 2013, 13:06 [IST]

న్యూఢిల్లీ/హైదరాబాద్: దేశవ్యాప్తంగా హోలీ సంబరాలు అంబరాన్నంటాయి. రాష్ట్రంలో కూడా హోలీ పండును ఉత్సాహంగా జరుపుకుంటున్నారు. ముఖ్యమంత్రి కిరణ్ కుమార్ రెడ్డి క్యాంప్ కార్యాలయంలో జరిగిన హోలీ వేడుకలలో కిరణ్ కుమార్ రెడ్డి, మంత్రి దానం నాగేందర్‌తో పాటు పలువురు ఎమ్మెల్యేలు పాల్గొన్నారు. గవర్నర్ భవన్‌లో నరసింహన్ దంపతులు వేడుకలు జరుపుకున్నారు.

భారతీయ జనతా పార్టీ సీనియర్ నేత అద్వానీ, పార్టీ అధ్యక్షుడు రాజ్ నాథ్ సింగ్ ఇళ్లలో హోలీ వేడుకలు జరిగాయి. ఆయా పార్టీల అధ్యక్షులు, నేతలు ప్రజలకు హోలీ శుభాకాంక్షలు తెలియజేశారు. రాజ్ నాథ్ సింగ్ ఇంట్లో విదేశీయులు హోలీ జరుపుకున్నారు. అదిలాబాదు జిల్లాలో రాజస్థానీల ఆధ్వర్యంలో మార్వాడీ ధర్మశాలలో హోలీ జరిగుతోంది. మంగళవారం రాత్రి కామదహనం పూర్తయ్యాక హైదరాబాదు నగరంలో యువతీ యువకులు ఒకరిపై మరొకరు రంగులు చల్లుకున్నారు.

వివిధ ప్రాంతాల్లో రంగులు చల్లుకోవడంతో పాటు వివిధ పద్ధతుల్లో హోలీని జరుపుకుంటారు. నిజాబామాద్ జిల్లాలో పిడిగుద్దులతో హోలీ జరుపుకుంటారు. జిల్లాలోని బోధన్ మండలంలోని ఓ గ్రామంలో ఇది అనాదిగా వస్తున్న ఆచారం. కొన్ని ప్రాంతాల్లో కర్రలతో కొట్టుకుంటూ కూడా హోలీని జరుపుకుంటారు.