బాబాయ్ కొట్టినందువల్లే పారిపోయా: సినీ నటి అంజలి

హైదరాబాద్: తనను ఎవరూ కిడ్నాప్ చేయలేదని ప్రముఖ చిత్ర కథానాయిక అంజలి గురువారం చెప్పినట్లుగా తెలుస్తోంది. తనను తన బాబాయ్, పిన్ని నిత్యం వేధించేవారని ఆరోపించారు. తనను తన బాబాయ్ కొట్టినందుకే పారిపోయి వచ్చానని ఆమె చెప్పారు. తాను క్షేమంగానే ఉన్నానని ఆమె తన సోదరుడికి ఫోన్ చేసినట్లుగా తెలుస్తోంది. తనతో పాటు మరో వ్యక్తి ఉన్నాడని ఆమె తెలిపారని సమాచారం.

కాగా, నటి అంజలి అదృశ్యంపై మిస్టరీ వీడిన విషయం తెలిసిందే. తాను సురక్షితంగా ఉన్నట్టు తల్లి పార్వతి దేవికి స్వయంగా అంజలి ఫోన్‌ చేసి చెప్పినట్లుగా కూడా వార్తలు వచ్చాయి. పిన్ని భారతీదేవి, బాబాయ్‌ సూరిబాబు, తమిళ దర్శకుడు కళంజియంలతో విబేధాలున్న నేపథ్యంలో హైదరాబాద్‌లోని ఒక హోటల్‌ నుంచి ఆమె రెండురోజుల క్రితం చెప్పాపెట్టకుండా వెళ్లిపోయారు.

ప్రస్తుతం అంజలి ఒక సినీ నిర్మాత రక్షణలో ఉన్నారని విశ్వసనీయంగా తెలిసింది. మరోవైపు అంజలి అదృశ్యం కాలేదని, ఇష్టపూర్వకంగానే హోటల్‌ నుంచి వెళ్లిపోయారని హైదరాబాద్‌ పశ్చిమమండలం డిసిపి జి.సుధీర్‌బాబు తెలిపారు. ఆమె సోదరుడి ఫిర్యాదు మేరకు కేసు నమోదు చేశామని, ఆమె తాను క్షేమంగా ఫలానా చోట ఉన్నానంటూ తమకు సమాచారం ఇచ్చాక చట్టప్రకారం చర్యలు చేపడతామన్నారు.

English summary

Seductive eyed beauty Anjali has gone missing and the latest update is that she has reportedly checked in Novotel near Shamshabad but has not come out. Meanwhile, reports say the police have been doing their investigations and discovered Anjali had called a big producer few times before she went off the hook. This got many wondering what the link is. Many are eagerly waiting for Anjali to resurface and give her side of the story. Some are also keen to know who that producer is. All in all, Anjali managed to get a lot of publicity with this stunt.