కూతురు లవ్ స్టోరి: ఏడ్చిన ఎమ్మెల్యే నాని, ట్విస్టులు
కూతురు కనిపించకుంటే ఎవరైనా కేసులు పెడతారని, అలాగే తన బంధువులు కూడా తన కూతురు రమ్య కనిపించక పోవడం వల్ల కేసులు పెట్టారన్నారు. తన కూతురును ఓసారి చూపించి తీసుకు వెళ్లాలని ఆయన కోరారు. ఇక జీవితంలో తాను రమ్య విషయంలో జోక్యం చేసుకోనని చెప్పారు. తన కుటుంబంలోని వ్యక్తులు కూడా రమ్యకు ఎలాంటి అడ్డు చెప్పారని ఈలి నాని హామీ ఇచ్చారు.
ఓ ఛానల్లో తన తండ్రి తనను బాగానే చూసుకున్నారని చెప్పిన రమ్య మరో ఛానళ్లో మాత్రం వేధిస్తున్నారని చెప్పిందని ఆవేదన వ్యక్తం చేశారు. నా కూతురు విషయంలో జరుగుతున్న సంఘటనలు తనను, తన కుటుంబ సభ్యులను తీవ్రంగా బాధించాయన్నారు.
తన కూతురుకు బలవంతంగా పెళ్లి చేయాలనుకుంటే తాను ఎప్పుడో చేసేవాడినని, తనకు అలాంటి ఉద్దేశ్యం లేదన్నారు. ఇప్పటికి ఆరు సంబంధాలు చూసినా చేసుకోలేదన్నారు. తాను తిరుపతిలో ఉండగా రమ్య అదృశ్యమైందని తన భార్య ఫోన్ చేసి చెప్పిందన్నారు. రమ్య ఎక్కడున్నా సంతోషంగా ఉండాలని, ఆమెకు పూర్తి స్వేచ్ఛనిచ్చి పెంచామని చెప్పారు.
కాగా, తన తండ్రి తనను మూడేళ్లు గృహనిర్బంధం చేశారని, ప్రేమించి పెళ్లి చేసుకున్న తన భర్త సందీప్ను కలవకుండా చేశాడని రమ్య ఆరోపించారు. మూడు రోజుల క్రితం తాను అదృశ్యమయ్యానని తన తండ్రి ఫిర్యాదు చేశారని, తనను ఎవరు కిడ్నాప్ చేయలేదని ఆమె గుంటూరులో మీడియా ఎదుట ప్రత్యక్షమయ్యారు. అనంతరం లీగల్ సెల్లో ఫిర్యాదు చేశారు. జడ్జి ఎదుట కన్నీళ్లు పెట్టుకున్నారు. ఎమ్మెల్యే బయటకు వచ్చి వివరణ ఇచ్చారు.
Click it and Unblock the Notifications
Sign in with Google