• search
  • Live TV
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

తెలంగాణపై రాహుల్‌గాంధీ: అమర్ కాలే నివేదిక కీలకం

By Srinivas
|

Telangana
న్యూఢిల్లీ: తెలంగాణపై నిర్ణయంలో ఏఐసిసి ఉపాధ్యక్షులు రాహుల్ గాంధీ దూత అమర్ కాలే ప్రధాన పాత్ర పోషించారట. ఆయన తెలంగాణకు అనుకూలంగా నివేదిక ఇచ్చారట. యూపిఏ, సిడబ్ల్యూసి వారం రోజుల క్రితం తెలంగాణకు అనుకూలంగా తీర్మానం చేసిన విషయం తెలిసిందే. ఏఐసిసి అధ్యక్షురాలు సోనియా గాంధీ తెలంగాణకు అనుకూలమని, ఉపాధ్యక్షులు రాహుల్ గాంధీ తెలంగాణకు వ్యతిరేకంగా ఉన్నారనే ప్రచారం జరిగిన విషయం తెలిసిందే. అయితే కాలే తెలంగాణకు అనుకూలంగాకాలే నివేదిక ముఖ్యపాత్ర పోషించిందట.

కాంగ్రెసు పార్టీలో, తెలంగాణ రాజకీయ ఐక్యకార్యాచరణ సమితిలో ఇప్పుడు ప్రధానంగా కాలే పేరు వినిపిస్తోంది. అధిష్టానం నిర్ణయంలో ఈయన పాత్ర ఎంతో ఉందని పలువురు తెలంగాణ కాంగ్రెసు నేతలు, ఉద్యమ నేతలు చెప్పుకుంటున్నారట. తెలంగాణకు అనుకూలంగా అమర్ కాలే ఇచ్చిన నివేదిక ముఖ్యభూమికను పోషించిందట.

అమర్ కాలే.. కాంగ్రెసు పార్టీ అధిష్టానానికి, తెలంగాణకు అనుకూలంగా నివేదిక ఇచ్చారట. కాలే ఏప్రిల్ మొదటి వారంలో నాలుగు రోజుల పాటు తెలంగాణ జిల్లాల్లో పర్యటించారు. ఏప్రిల్ 5 నుండి జిల్లాల్లో పర్యటించిన అమర్ కాలే.. ఆయా జిల్లా కాంగ్రెసు నాయకులను కలుసుకున్నారు. వారిని ఉద్దేశించి మాట్లాడారు.

ఈ సందర్భంగా తెలంగాణ జిల్లాల్లో తెలంగాణ వాదం ఎంత బలంగా నాటుకుపోయిందో తెలుసుకున్నారు. తెలంగాణ ప్రాంతంలో బలమైన తెలంగాణవాదం ఉందని, కాంగ్రెసు నాయకులు, కార్యకర్తలు కూడా తెలంగాణను బలంగా కోరుకుంటున్నారని ఆయన గుర్తించారు. మెదక్, జహీరాబాద్, నిజామాబాద్, అదిలాబాద్ తదితర ప్రాంతాల్లో పర్యటించారు.

సెంటిమెంట్ ఎంత బలంగా ఉందో గుర్తించిన ఆయన ఇదే విషయాన్ని పలువురు నేతలతో మాట్లాడుతూ... తాను అధిష్టానానికి ఓ నివేదిక ఇస్తానని చెప్పారు. అన్నట్లుగానే అతను రాహుల్‌కు, అధిష్టానానికి తెలంగాణ సెంటిమెంట్ ఎంత బలంగా ఉందో ఓ నివేదికను ఇచ్చారు. ఆయన తన నివేదికలో తెలంగాణ ప్రాంతంలో కాంగ్రెసు పార్టీ బలం, బలహీనతల పైన సంపూర్ణ, స్పష్టమైన నివేదిక ఇచ్చారట.

వచ్చే ఎన్నికలలో తెలంగాణవాదం నేపథ్యంలోనే ప్రజలు ఎక్కువగా ఓటు వేసేందుకు సిద్ధంగా ఉన్నారని నివేదికలో పేర్కొన్నారట. కాంగ్రెసు నేతలు ప్రభుత్వ పథకాలను కూడా ప్రజల్లోకి సమర్థవంతంగా తీసుకు వెళ్లలేని స్థితిలో తెలంగాణవాదం ఉందని అందులో తెలిపారట. ఈ కారణంగానే రాహుల్ గాంధీ యూ టర్న్ తన మనసు మార్చుకొని ఉంటారని, సోనియా వలె ఆయన కూడా తెలంగాణకు పచ్చజెండా ఊపి ఉంటారని అంటున్నారు.

తెలుగు మ్యాట్రిమోనిలో మీకు నచ్చిన జీవిత భాగస్వామి ఎంపికలు - రిజిస్ట్రేషన్ ఉచితం!

English summary
AICC vice president Rahul Gandhi’s emissary Amar Kale’s name is prominently doing the rounds in the Congress and Telangana JAC circles these days for his role in the Congress high command taking a decision in favour of forming a separate Telangana.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more