నలంద వర్శిటీ పునర్వైభవంలో ఆంధ్రా వాస్తు శిల్పి-ఎవరీ రామకృష్ణరాజు ?
బీహార్లోని పాట్నా సమీపంలో ఉన్న నలంద జిల్లా రాజ్గిర్లో ప్రధాని నరేంద్ర మోదీ నిన్న నలంద విశ్వవిద్యాలయానికి పునఃప్రారంభం చేశారు. 1600 సంవత్సరాల క్రితం 108 సబ్జెక్టులతో ప్రపంచంలోనే మొట్టమొదటి రెసిడెన్షియల్ విశ్వవిద్యాలయంగా నిర్మితమైన ఈ చారిత్ర విశ్వవిద్యాలయాన్ని వందల సంవత్సరాల తర్వాత పునరుద్ధరించారు. దీంతో మరోసారి అంతర్జాతీయ విద్యార్థులకు ఈ వర్సిటీ అందుబాటులోకి వచ్చింది.
ఉత్తరాది రాష్ట్రాలు వివిధ సనాతన ధర్మాలలో నైపుణ్యం కోసం దక్షిణాది నుండి, ప్రధానంగా ఆంధ్రప్రదేశ్ మద్దతు కోరుతున్నాయి. తాజాగా చీరాలకు చెందిన చిదంబరశాస్త్రి అన్నదానం ద్వారా అయోధ్య రామమందిర మూల మంత్రాన్ని అందించారు. ఇప్పుడు వాస్తులో నలంద విశ్వవిద్యాలయం పునరుద్ధరణలో రామకృష్ణరాజు అనే వాస్తు శిల్పి చేసిన కృషి వెలుగుచూసింది. బాపట్ల జిల్లాలోని మంతెనవారి పాలెం గ్రామానికి చెందిన పండిట్ ముదునూరి వెంకట రామకృష్ణరాజు పురాతన నలంద విశ్వవిద్యాలయ పునరుద్ధరణకు వాస్తు ప్రణాళికలు రూపొందించారు.
హైదరాబాద్లోని ప్రగతినగర్లో నివసిస్తున్న రామకృష్ణరాజు నలంద కొత్త క్యాంపస్ ఉన్న ప్రాంతంలో జియోపతిక్ స్ట్రెస్ జోన్లను అధ్యయనం చేయడానికి, గుర్తించడానికి, అవసరమైతే నివారణ చర్యలను అందించడానికి ఏడాది పాటు పనిచేసేలా 2019 సెప్టెంబర్ లో నియమించారు. ప్రాజెక్ట్ మానిటరింగ్ కమిటీ సిఫార్సుల ఆధారంగా యూనివర్సిటీకి రోజువారీ ప్రాతిపదికన బిల్డింగ్ స్పేస్ మేనేజ్మెంట్, ఇతర సంబంధిత సహాయాన్ని ఆయన అందించారు.
బీహార్ ప్రభుత్వం కేటాయించిన 450 ఎకరాల భూమిలో 13 నీటి సరస్సులు, పచ్చదనం, జీరో కార్బన్ ఎమిషన్ క్యాంపస్తో విశ్వవిద్యాలయం పురాతన నమూనాను అనుసరించి నిర్మించారు. నలంద చారిత్రాత్మకంగా వాస్తు శాస్త్రం వంటి జ్ఞాన వ్యవస్థలను కలిగి ఉండటంతో రామకృష్ణరాజుకు ఈ పని అప్పగించినట్లు అధికారులు తెలిపారు. వర్శిటీలోని ప్రతి మూలలో ఉన్న వాస్తు సూత్రాలలో రామకృృష్ణరాజు కృషి కనిపిస్తుంది.
జియోపతిక్ స్ట్రెస్ జోన్లను సమర్ధవంతంగా గుర్తించడం, తన వాస్తు శాస్త్ర పరిజ్ఞానం ద్వారా వాటిని సమర్థవంతంగా తటస్థీకరించడం ద్వారా రామకృష్ణరాజు ఎంతో కృషి చేశారు. ప్రకాశం జిల్లా చీరాలలోని అవ్వారు సుబ్రహ్మణ్యం అనే నిపుణుడి వద్ద రాజు చిన్న వయస్సులోనే వాస్తు ప్రాథమిక అంశాలను నేర్చుకున్నారు. తర్వాత తమిళనాడు, గుజరాత్, హైదరాబాద్ వంటి చోట్ల కొత్త వాస్తు పద్ధతులను అధ్యయనం చేశారు. వివిధ ప్రభుత్వ కార్యాలయాలు, ప్రైవేట్ నిర్మాణాలు, స్థలాలు , పొలాల వాస్తుశిల్పానికి అనేక శాస్త్రీయ ఆధారిత దిద్దుబాట్లు చేసిన చరిత్ర కూడా ఉంది.
Click it and Unblock the Notifications
Sign in with Google