బీ-ఫార్మసీ, ఫార్మ్-డీ కౌన్సిలింగ్ షెడ్యూల్ విడుదల, స్వల్ప మార్పులు

అమరావతి: ఫార్మసీ కళాశాలల అనుమతి పొడిగింపునకు ప్రభుత్వం అంగీకరించిన నేపధ్యంలో రాష్ట్రంలోని బీ ఫార్మసీ, ఫార్మ్-డీ కోర్సుల అడ్మిషన్ షెడ్యూల్‌ను సాంకేతిక విద్యా శాఖ కమిషనర్, ఏపీఈఏపీ సెట్ కన్వీనర్ చదలవాడ నాగరాణి సోమవారం విడుదల చేశారు. ఎంపీసీ, బైపీసీ అభ్యర్ధులకు వెర్వేరుగా షెడ్యూల్ ఉంటుందన్నారు.

ఎంపీసీ విద్యార్ధులు నవంబరు ఒకటి నుంచి ఎనిమిదో తేదీ వరకు ఆన్ లైన్‌లో ప్రాసెసింగ్ ఫీజు చెల్లించాలని తెలిపారు. ఆన్‌లైన్‌తో పాటు సహాయ కేంద్రాల వద్ద ధృవీకరణ పత్రాల వెరీఫికేషన్ కు నవంబరు 8, 9 తేదీలు కేటాయించామన్నారు. ఐచ్చికాల నమోదుకు నవంబరు 10, 11,12 తేదీలలో మూడు రోజుల పాటు అవకాశం కల్పించామని నాగరాణి వివరించారు.

12 తేదీ ఐచ్చికాల మార్పుకు అవకాశం ఉంటుందని, 14వ తేదీ సీట్ల కేటాయింపును పూర్తి చేస్తామని నాగరాణి పేర్కొన్నారు. నవంబరు 15, 16 తేదీలలో సీట్లు పొందిన అభ్యర్ధులు అయా కళాశాలల్లో స్వయంగా రిపోర్డు చేయవలసి ఉంటుదన్నారు.

బైపీసీ విద్యార్థులు కూడా నవంబర్ 1 నుంచి 8వ తేదీ వరకు ఆన్‌లైన్‌లో ప్రాసెసింగ్ ఫీజు చెల్లించాలి. సహాయ కేంద్రాల వద్ద సర్టిఫికేట్ల వెరిఫికేషన్ కు నవంబర్ 9 నుంచి 11 వరకు మూడు రోజులు.. నవంబర్ 11 నుంచి 13 వరకు ఐచ్చికాల నమోదు ఉంటుంది. ఐచ్చికాల మార్పు నవంబర్ 14వ తేదీ, ఆ తర్వాత 17వ తేదీ సీట్లను కేటాయిస్తామని ఏపీ ఈఏపీ సెట్ కన్వీనర్ తెలిపారు. నవంబర్ 18 నుంచి 21 వరకు బైపీసీ విద్యార్థులు కాలేజీల్లో స్వయంగా రిపోర్టు చేయాల్సి ఉంటుందన్నారు.

English summary

b-form and form-d courses admission notification released.