కాంగ్రెస్‌కు షాక్: వైసీపీలో చేరిన రాకేష్‌రెడ్డి

కాంగ్రెస్ పార్టీకి రాకేష్‌రెడ్డి షాకిచ్చారు. 2014 ఎన్నికల్లో నంద్యాల అసెంబ్లీ స్థానం నుండి కాంగ్రెస్ పార్టీ అభ్యర్థిగా పోటీచేసిన రాకేష్‌రెడ్డి ఆ పార్టీకి రాజీనామా చేసి శుక్రవారం నాడు వైసీపీలో చేరారు

నంద్యాల:: కాంగ్రెస్ పార్టీకి రాకేష్‌రెడ్డి షాకిచ్చారు. 2014 ఎన్నికల్లో నంద్యాల అసెంబ్లీ స్థానం నుండి కాంగ్రెస్ పార్టీ అభ్యర్థిగా పోటీచేసిన రాకేష్‌రెడ్డి ఆ పార్టీకి రాజీనామా చేసి శుక్రవారం నాడు వైసీపీలో చేరారు.

నంద్యాల వైసీపీ అభ్యర్థి శిల్పా మోహన్‌రెడ్డితో కలిసి ఆయన వైసీపీ చీఫ్ జగన్ సమక్షంలో వైసీపీలో చేరారు. వచ్చే నెల 23వ, తేదిన నంద్యాల అసెంబ్లీ స్థానానికి పోలింగ్ జరగనుంది.

అయితే ఈ సమయంలో కాంగ్రెస్ పార్టీకి చెందిన రాకేష్‌రెడ్డి ఆ పార్టీని వీడడం ఆ పార్టీని మరింత ఇబ్బందుల్లోకి నెట్టింది. 2014 ఎన్నికల సమయంలో మాజీ మంత్రి శిల్పా మోహన్‌రెడ్డి కాంగ్రెస్ పార్టీని వీడి టిడిపిలో చేరారు. ఆ సమయంలో ఆయన కాంగ్రెస్ పార్టీ అభ్యర్థిగా పోటీచేశారు.

అయితే ఈ ఉపఎన్నికల్లో కాంగ్రెస్ పార్టీ కూడ తన అభ్యర్థిని బరిలోకి దింపాలని భావిస్తోంది. ఆ సమయంలోనే రాకేష్‌రెడ్డి వైసీపీలో చేరడం కాంగ్రెస్ పార్టీని మరింత ఇబ్బందుల్లో నెట్టిందని విశ్లేషకులు అభిప్రాయపడుతున్నారు.

English summary

Congress leader J.Rakesh reddy joined in Ysrcp on Friday . He contested as Congress party candidate from Nandyal Assembly segment in 2014.