లేడీ డ్యాన్సర్‌తో డిప్యూటీ మేయర్ చిందులు!: వీడియో హల్‌చల్

ఏలూరు: పశ్చిమ గోదావరి జిల్లా ఏలూరు డిప్యూటీ మేయర్ చిందులు వేస్తున్నట్లు ఉన్న ఫోటో ఒకటి సోషల్ మీడియాలో హల్‌చల్ చేస్తోంది. ఇది ఇప్పుడు డిప్యూటీ మేయర్‌కు చిక్కులు తెచ్చిపెడుతోంది.

ఇటీవల ఏలూరులో మేయర్ ఇంటి ఎదుట జరిగిన ఓ పార్టీలో డిప్యూటీ మేయర్‌తో పాటు పలువురు కార్పోరేటర్లు పాల్గొన్నారు. ఈ పార్టీలో వారు సంతోషంగా గడిపారు. అదే సమయంలో విద్యుత్ వెలుగులతో జిగేల్ మంటున్న ఆ వేదిక పైన లేడి డ్యాన్సర్‌తో కలిసి డిప్యూటీ మేయర్ వెంకటరత్నం చిందులేసినట్లుగా చెబుతున్నారు.

ఇందుకు సంబంధించిన వీడియో ప్రస్తుతం సోషల్ మీడియాలో హల్‌చల్ చేస్తోంది. లేడీ డ్యాన్సర్‌తో డిప్యూటీ మేయర్ కలిసి చిందులు వేశారంటూ ఆ వీడియో ఉంచారు. ఇప్పటికే తెలంగాణలోని ఖమ్మం జిల్లాకు చెందిన ఓ యువకుడిని అక్రమంగా నిర్బంధించారన్న కేసులో అరెస్టైన వెంకటరత్నం బెయిల్ పైన బయటకు వచ్చారు.

విద్యుదాఘాతంతో ఇద్దరు చిన్నారుల మృతి

పశ్చిమ గోదావరి జిల్లా పెద్దవేగి మండలం భోగాపురం బైబిల్ స్కూలులో విషాదం చోటు చేసుకుంది విద్యుదాఘాతంతో ఇద్దరు చిన్నారులు మృతి చెందారు. ఈ సంఘటనతో విద్యార్థుల తల్లిదండ్రులు పాఠశాల ఎదుట ఆందోళన చేపట్టారు.

కడప జిల్లా వేముల మండలం నల్లచెరువుపల్లె దగ్గర ట్రాక్టర్ బోల్తా పడి ఒకరు మరణించారు. ఈ ఘటనలో పలువురికి తీవ్ర గాయాలయ్యాయి. గాయపడిన వారు మొగిలిచెరువువాసులుగా పోలీసులు గుర్తించారు. గాయపడ్డ వారిని ఆసుపత్రికి తరలించారు.

English summary

Deputy Mayor dance with lady dancer in West Godavari district.