పవన్ కల్యాణ్ తో విభేదాలు.. హరిహర వీరమల్లు నుంచి తప్పుకున్న క్రిష్?

Published: Sunday, May 21, 2023, 10:33 [IST]

హరిహరవీరమల్లు నుంచి ఆ సినిమా దర్శకుడు క్రిష్ తప్పుకున్నారంటూ ఫిల్మ్ నగర్ లో వార్తలు చక్కర్లు కొడుతున్నాయి. మరో ప్రాజెక్టు చేసేందుకు ఒక బాలీవుడ్ కథానాయకుడితో సంప్రదింపులు జరుపుతున్నారు. సినిమా షూటింగ్ చేయడానికి పవన్ కల్యాణ్ సరైనరీతిలో డేట్లు ఇవ్వకపోవడం, స్క్రిప్ట్ లో పదే పదే జోక్యం చేసుకోవడంలాంటివన్నింటినీ క్రియేటివ్ డైరెక్టర్ క్రిష్ కు విసుగు పుట్టించాయమంటున్నారు. దీంతో వేరే ప్రాజెక్టుకు ఏర్పాట్లు చేసుకుంటున్నట్లు తెలుస్తోంది.

మణికర్ణికలో రీషూట్: గతంలో కంగనా రనౌత్ ప్రధాన పాత్రధారిగా మణికర్ణిక సినిమా చేశారు. అయితే అందులో కంగనా రనౌత్ కొన్ని సన్నివేశాలను రీ షూట్ చేసినట్లు వార్తలు వచ్చాయి. ఈ వార్తలు వచ్చే సమయానికి ఆ ప్రాజెక్టు నుంచి క్రిష్ తప్పుకున్నారు. అయితే సినిమా టైటిల్స్ లో దర్శకుడిగా క్రిష్ పేరు ఉంచి ఆయనకు సాధ్యమైనంతమేర కంగన గౌరవాన్ని ఇచ్చింది. వీరమల్లును పాన్ ఇండియా సినిమాగా క్రిష్ దీన్ని తీర్చిదిద్దుతున్నారు. పవన్ కల్యాణ్ అభిమానులు కూడా తమ హీరో పాన్ ఇండియా సినిమా రాబోతోందంటూ సంతోషంలో ఉన్నారు.

టాలీవుడ్ లో సంచలనం:
ఇటువంటి తరుణంలో క్రిష్ అకస్మాత్తుగా ప్రాజెక్టు నుంచి తప్పుకోవడం తెలుగు చలనచిత్ర పరిశ్రమలో సంచలనం కలిగిస్తోంది. వకీల్ సాబ్ సినిమా షూటింగ్ సమయంలో ఈ సినిమా ప్రారంభమైంది. వకీల్ సాబ్ రావడం.. బాక్సాఫీస్ దగ్గర హిట్టు కొట్టడం పూర్తయింది కానీ హరిహరవీరమల్లు మాత్రం ఇప్పటికీ షూటింగ్ దశలోనే ఉండిపోయింది. ఈ సినిమా షూటింగ్ ఆలస్యం కావడానికి అనేక కారణాలున్నాయి. అందులో కరోనా కూడా ఒకటి. అయితే దీన్నికాదని పవన్ వేరే సినిమాలకు ప్రాధాన్యతనిచ్చారు.

ఓజీకి, ఉస్తాద్ కే డేట్లు: లాక్ డౌన్ తీసేయగానే పవన్ కల్యాణ్ భీమ్లా నాయక్ సినిమా చేశారు. ఈ సినిమా తర్వాత హరిహరవీరమల్లు షూటింగ్ ని కొనసాగించారు. ఏఎం రత్నం దీనికి నిర్మాత. బందిపోటు దొంగగా పవన్ పాత్ర చిత్రీకరణ ఉంటుంది. ఇటీవలే ఈ సినిమాను పక్కనపెట్టి బ్రో ని ప్రారంభించారు. తర్వాత ఉస్తాద్ భగత్ సింగ్ ను తీసుకొచ్చారు. ఈ సినిమా మొదటి షెడ్యూల్ కూడా పూర్తయింది. దీనితర్వాత సుజిత్ దర్శకత్వంలో ఓజీ తెచ్చారు. నెలరోజులు ఈ షూటింగ్ లో పాల్గొన్న పవన్ కల్యాణ్ వీరమల్లుకు డేట్లిస్తారనుకున్నప్పటికీ తిరిగి ఆయన ఓజీకి డేట్లు ఇచ్చారు. దీనితర్వాత మరోసారి ఉస్తాద్ కు ఇవ్వబోతున్నారు. దీంతో దాదాపుగా ఈ సినిమా ఆగిపోయినట్లేనంటున్నారు. మరి నిర్మాత రత్నం ఏంచేస్తారో చూడాలి.

Published On May 21, 2023