Diwali 2023: దీపావళి ఎప్పుడు - సెలవు మార్పుతో, పండితుల క్లారిటీ..!!

దీపావళి కూడా రెండు రోజులు రావడంతో ఏరోజు పండగను జరుపుకోవాలి అన్న సందిగ్ధత నెలకొంది. ఈ ఏడాది అధిక మాసం నేపథ్యంలో.. పండుగలన్నీ రెండు రోజులతో వస్తున్నాయి. ఇప్పుడు దీపావళికి సైతం ఈ పరిస్థితి ఎదురైంది. మరి, ఇంతకీ దీపావళి పండగ ఎప్పుడు జరుపుకోవాలి? ఈనెల 12నా..? లేక 13వ తేదీనా..? పంచాంగం ఏం చెబుతోంది. రెండు తెలుగు ప్రభుత్వాలు సెలవును 13న ప్రకటించాయి. కానీ, పండుగ ఎప్పుడు జరుపుకోవాలనేది పండితులు క్లారిటీ ఇస్తున్నారు.

దీపావళి భారతీయ సంస్కృతిలో గొప్ప ప్రాముఖ్యత ఉంది. చీకటిపై కాంతి యొక్క విజయాన్ని జరుపుకుంటుంది. బ్రహ్మ పురాణం ప్రకారం, కార్తీక అమావాస్య అర్ధరాత్రి, లక్ష్మి దేవి శుభ్రత, శాంతి మరియు కాంతి ఉన్న గృహాలను సందర్శిస్తుంది. అందుకే దీపావళికి ఇళ్లను శుభ్రం చేసి అలంకరించే సంప్రదాయాన్ని పాటిస్తారు.

సన్నాహాలకు సంతోషించిన లక్ష్మి, గృహస్తులను ఆశీర్వదించి, చాలా కాలం పాటు ఇంట్లోనే ఉండి, సంపద మరియు శ్రేయస్సును ప్రసాదిస్తుంది. ప్రతి సంవత్సరం, ప్రజలు దీపావళి కోసం ఆసక్తిగా ఎదురుచూస్తున్నారు. ఈ ఏడాది దీపావళి పండుగ పై అస్పష్టత కొనసాగుతున్న వేళ పండితులు ఎప్పుడు జరుపుకోవాలో..లక్ష్మీపూజ ముహూర్తం ఏంటో స్పష్టత ఇచ్చారు.

ఈ సంవత్సరం, కార్తీక మాస అమావాస్య 12 నవంబర్ 2023న మధ్యాహ్నం 2:44 గంటలకు ప్రారంభమై 13 నవంబర్ 2023న మధ్యాహ్నం 2:56 గంటలకు ముగుస్తుంది. హిందూ మతంలో, పండుగ రోజు ఉదయం (ఉదయ తిథి) నుండి ప్రారంభమవుతుంది. అయితే, దీపావళి యొక్క లక్ష్మీ పూజ ప్రదోషకాల సమయంలో నిర్వహిస్తారు, కాబట్టి దీపావళి నవంబర్ 12, 2023న జరుపుకుంటారు.

లక్ష్మీ పూజ (ప్రదోషకాలం) - సాయంత్రం 05:39 నుండి రాత్రి 07:35 వరకు (12 నవంబర్ 2023)గా నిర్ణయించారు. ఇక, నరక చతుర్దశి - 12 నవంబర్, అదే రోజ రాత్రి అమావాస్యం ఉండటంతో దీపావళి జరుపుకోవాలని సూచిస్తున్నారు. గోవర్ధన్ పూజ - 14 నవంబర నిర్వహించనున్నారు. ఇక, రెండు తెలుగు రాష్ట్రాల్లో దీపావళి సెలవును నవంబర్ 13వ తేదీకి మార్చుతూ నిర్ణయం తీసుకున్నాయి.

English summary

Diwali falls on different dates each year as it is calculated based on the Hindu lunar calendar. Diwali is expected to be celebrated on November 12th.