విజయవాడలో సీఎం క్యాంప్ ఆఫీసు ఇదే(వీడియో)

By Nageswara Rao

Published: Sunday, June 7, 2015, 11:54 [IST]

అమరావతి: ఏపీ సీఎం చంద్రబాబు కోసం విజయవాడలో క్యాంప్ ఆఫీసు సిద్ధమైంది. సాగునీటి శాఖకు చెందిన భవనంలో ఈ క్యాంప్ కార్యాలయాన్ని 16 కోట్ల రూపాయలతో సిద్ధం చేశారు. అనుకున్న ప్రకారం జూన్ 6వ తేదీనే ఈ క్యాంప్ ఆఫీస్ ప్రారంభం కావాల్సి ఉంది.

కానీ కొన్ని కారణాల రీత్యా క్యాంప్ ఆఫీసు ప్రారంభం వాయిదా పడిందని మంత్రి దేవినేని ఉమామహేశ్వరరావు తెలిపారు. ముహూర్తం దాటి పోవడంతో వాయిదా వేశామని జూన్ 8న క్యాంప్ ఆఫీసును ప్రారంభించే అవకాశం ఉన్నట్లు మంత్రి తెలిపారు.

విజయవాడలోని నీటిపారుదలశాఖ ఆవరణలో సీఎం కోసం క్యాంప్‌ ఆఫీస్‌ (సీఎంఓ)ని నిర్మించారు. సీఎం కోసం ప్రత్యేకంగా భారీ చాంబర్‌, క్యాబినెట్‌ సమావేశ మందిరం, ముగ్గురు సీఎంఓ అధికారులు, విజిటర్స్‌ రూమ్స్‌, డైనింగ్‌ హాల్‌, యాంటీ రూమ్స్‌ను ఏర్పాటు చేశారు.

సమీక్షా సమావేశాల కోసం నిర్వహణకు అవసరమైన హాల్‌ను కూడా ఏర్పాటు చేశారు. మెట్ల ల్యాండింగ్‌ వద్ద ప్రత్యేకంగా లిఫ్ట్‌ను ఏర్పాటు చేశారు. వాస్తవానికి డెల్టా చీఫ్‌ ఇంజనీర్‌ కార్యాలయం కోసం ఆ భవనాన్ని నిర్మించారు. రాష్ట్ర విభజనతో విజయవాడ రాజధాని కావటంతో ఆ భవనం కాస్తా సీఎం క్యాంప్‌ ఆఫీస్‌గా మారిపోయింది.

విజయవాడలో సీఎం క్యాంప్ ఆఫీసు ఇదే

ఏపీ సీఎం చంద్రబాబు కోసం విజయవాడలో క్యాంప్ ఆఫీసు సిద్ధమైంది. సాగునీటి శాఖకు చెందిన భవనంలో ఈ క్యాంప్ కార్యాలయాన్ని 16 కోట్ల రూపాయలతో సిద్ధం చేశారు. అనుకున్న ప్రకారం జూన్ 6వ తేదీనే ఈ క్యాంప్ ఆఫీస్ ప్రారంభం కావాల్సి ఉంది.