అత్తాకోడలిపై అత్యాచారం చేసిన వారిలో ముగ్గురు మైనర్లు, 37 కేసులు

అత్తాకోడలిపై జరిగిన అత్యాచారం కేసులో నిందితులను 48 గంటల్లోనే పట్టుకున్నామని ఆంధ్రప్రదేశ్ హోం మంత్రి అనిత చెప్పారు. అరెస్టు అయిన వారిలో ఒకరి మీద 37 కేసులు ఉన్నాయని, అతని మీద గతంలో కూడా అత్యాచారం ఆరోపణలు ఉన్నాయని హోం మంత్రి అనిత వివరించారు. ఈ కేసును వేగంగా విచారణ చేయడానికి ప్రత్యేక కోర్టు ఏర్పాటు చేస్తున్నామని హోం మంత్రి అనిత అన్నారు.

మంగళవారం మీడియాతో మాట్లాడిన హోం మంత్రి అనిత ఇలాంటి కేసుల్లో నిందితులను కఠినంగా శిక్షించడానికి చర్యలు తీసుకుంటున్నామని చెప్పారు. ఆంధ్రప్రదేశ్ లోని శ్రీసత్యసాయి జిల్లాలో అత్తా కోడలిపై జరిగిన అత్యాచారం కేసు తెలుగు రాష్ట్రాల్లో కలకలం రేపింది. అత్తాకోడలిపై అత్యాచారం జరిగిన కేసులో నిందితుల్ని కఠినంగా శిక్షించాలని సీఎం చంద్రబాబు చెప్పారని హోమ్ మంత్రి అనిత గుర్తు చేశారు.

కేసును చాకకచ్యంగా దర్యాప్తు చేసిన శ్రీ సత్యాసాయి జిల్లా పోలీసులు అందరిని హోం మంత్రి అనిత అభినందించారు. సీసీటీవీ కెమెరాలు పరిశీలించి నిందితుల ఆచూకీ తెలుసుకున్నామని హోం మంత్రి అనిత అన్నారు. ఇండ్లు, కమర్షియల్ కాంప్లెక్స్ దగ్గర సీసీటీవీ కెమెరాలు ఏర్పాటు చేసి వాటిని పోలీసులకు అనుసంధానం చేస్తే ఇలాంటి కేసుల్లో నిందితులను వెంటనే అరెస్టు చేయడానికి అవకాశం ఉంటుందని, అందుకు ప్రజల సహకారం కూడా అవసరమని హోం మంత్రి అనిత చెప్పారు.

శ్రీసత్యసాయి జిల్లా ఎస్పీ రత్న ఈ కేసులోని నిందితుల వివరాలను చెప్పారు. ఈ కేసులో ప్రధాన నిందితులు ప్రవీణ్, నాగేంద్రతో పాటు మరో ముగ్గురు మైనర్లను ఉన్నారని, వారిని అరెస్టు చేశామని రత్న అన్నారు. రెండు రోజుల క్రితం నిర్మాణంలో ఉన్న ఓ ఫ్యాక్టరీ వాచ్ మెన్, ఆయన కుమారుడిని కత్తులతో బెదిరించిన నిందితులు వారి ఇంటిలోకి వెళ్లి అత్తాకోడలిమీద అత్యాచారం చేసి రూ. 5,200 డబ్బులు దోచుకుని వెళ్లిపోయారని జిల్లా ఎస్పీ రత్నా వివరించారు. నిందితుల నేర చరిత్ర గురించి పూర్తి వివరాలు సేకరిస్తున్నామని జిల్లా ఎస్పీ రత్న వివరించారు.

English summary

Andhra Pradesh Home Minister Anitha said that the accused have been arrested in the case of rape of two women in Sri Sathyasai district. Andhra Pradesh latest information.