ఏపీలో రెండురోజుల్లో భారీ వర్షాలు, లోతట్టు ప్రాంత ప్రజలు అప్రమత్తం..

వాయువ్య బంగాళాఖాతంలో ఏర్పడిన అల్పపీడన ద్రోణి మూలంగా వచ్చే రెండు రోజుల్లో ఆంధ్రప్రదేశ్‌లో భారీ భారీ వర్షాలు కురిసే అవకాశం ఉంది. వర్షాల నేపథ్యంలో అధికారులు అప్రమత్తమయ్యారు. కృష్ణా జిల్లాలోని అన్ని మండలాల్లో లోతట్టు గ్రామాల ప్రజలను జిల్లా యంత్రాంగం అప్రమత్తం చేసిందని కలెక్టర్ ఇంతియాజ్ తెలిపారు. టెలీ కాన్ఫరెన్స్ ద్వారా అధికారులకు ఆదేశాలు జారీ చేశామని వివరించారు.

అన్ని డివిజనల్ కార్యాలయాల్లో కంట్రోల్ రూమ్ లు ఏర్పాటు చేయాలని ఆదేశించారు. లోతట్టు ప్రాంతాల్లోని ప్రజలు అధికారులకు సహకరించాలని కలెక్టర్ సూచించారు. కృష్ణా జిల్లాలోని ఏర్పాటు చేసిన కంట్రోల్ రూమ్ నంబర్లను ఇచ్చారు. బందరు కలెక్టరేట్: 08672-252572, విజయవాడలోని కలెక్టర్ క్యాంపు కార్యాలయం: 0866 - 2474805, సబ్ కలెక్టర్ ఆఫీస్ విజయవాడ: 0866-2574454, సబ్ కలెక్టర్ ఆఫీస్ నూజివీడు 08656- 232717, రెవిన్యూ డివిజనల్ ఆఫీస్ బందర్ ఫోన్ నెంబర్: 08672-252486, రెవెన్యూ డివిజనల్ ఆఫీస్ గుడివాడ ఫోన్ నంబర్: 08674 - 243697 కంట్రోల్ రూమ్ నంబర్లకు ప్రజలు ఫోన్ చేయాలని కలెక్టర్ సూచించారు.

English summary

huge rain fall in andhra pradesh next two days. we are alert in rain fall krishna collector intiyaz said.