వేశ్యగా..: భార్య ఫోన్ నెంబర్, ఫోటో ఇంటర్నెట్లో పెట్టాడు, కాదని భర్త

హైదరాబాద్: తెలంగాణ రాష్ట్ర రాజధాని హైదరాబాదులో దారుణం వెలుగు చూసింది. ఓ భర్త తన భార్య ఫోన్ నెంబర్, ఫోటోను ప్రాస్టిట్యూషన్‌కు సంబంధించిన నెట్లో పెట్టాడు. కట్టుకున్న భార్యనే కాల్ గర్ల్స్ లిస్టులో పెట్టడం గమనార్హం. బాధితురాలు గతంలో మలక్ పేట, సైదాబాద్ పోలీసులకు ఫిర్యాదు చేశారు.

తాజాగా ఆ బాధితురాలు సైబర్ క్రైమ్ పోలీసులకు ఫిర్యాదు చేశారు. మురళీ కృష్ణకు బాధితురాలితో కొన్నేళ్ల క్రితం పెళ్లైంది. అయితే, గత ఏడాదిగా అతను భార్యను వేధిస్తున్నాడు. అనంతరం తన భార్య ఫోన్ నెంబరును, ఫోటోను అశ్లీల వెబ్ సైట్లో పెట్టాడు.

ఎవరికైనా కోరిక తీరాలంటే ఈ ఫోన్ నెంబర్‌కు కాల్ చేయాలని అందులో పేర్కొన్నాడు. దీంతో భార్య ఫోన్ నెంబరుకు చాలా ఫోన్ కాల్స్ వచ్చాయి. దుబాయ్ తదితర నగరాల నుండి కూడా ఫోన్స్ వచ్చాయి. ఫోన్లో ఆమెను వేధించారు.

దీంతో ఆమె పోలీసులకు ఫిర్యాదు చేశారు. తన భర్తనే తన ఫోన్ నెంబరును ఇంటర్నెట్లో పెట్టారని ఆమె ఫిర్యాదు చేశారు. నెట్లో సెల్ నెంబర్ చూసి ఫోన్ ద్వారా తనను వేధిస్తున్నారని పేర్కొన్నారు. పోలీసులు కేసు నమోదు చేసుకొని దర్యాఫ్తు చేస్తున్నారు.

భర్త వివరణ

తాను తన భార్య ఫోన్ నెంబరును నెట్లో ఎందుకు పెడతానని, తనకేం అవసరమని భర్త చెబుతున్నారు. తమ పెళ్లై మూడేళ్లవుతోందని, కొంతకాలంగా దూరంగా ఉంటోందన్నారు. తాము ప్రేమించి పెళ్లి చేసుకున్నామని చెప్పారు. పెళ్లికి ముందే తన భార్య గర్భవతి అయిన విషయం తనకు తెలియదని చెప్పారు.

English summary

Husband puts wife cell number on net to harass!