రాంగోపాల్ వర్మ తీసే లక్ష్మీస్ ఎన్టీఆరే... ఎన్టీఆర్ అసలైన బయోపిక్: లక్ష్మీ పార్వతి
విజయనగరం: వివాదాస్పద దర్శకుడు రామ్గోపాల్ వర్మ తెరకెక్కించబోతున్న లక్ష్మీస్ ఎన్టీఆర్ సినిమానే ఎన్టీఆర్ అసలైన బయోపిక్ అని తేల్చేశారు ఎన్టీఆర్ సతీమణి, వైసిపి మహిళా నాయకురాలు లక్ష్మీ పార్వతి.
విజయనగరంలో పర్యటిస్తున్న లక్ష్మీపార్వతి అక్కడ మీడియాతో మాట్లాడారు. ఎన్టీఆర్ నుంచి ముఖ్యమంత్రి పదవిని చంద్రబాబు నాయుడు ఎలా లాక్కున్నారో ఈ సినిమా ద్వారా తెలుస్తోందని ఆమె చెప్పారు. లక్ష్మీస్ ఎన్టీఆర్ సినిమాతో అసలైన వాస్తవాలు బయటకురావడం ఖాయమని లక్ష్మీ పార్వతి అంటున్నారు. టీడీపీ నేతలకు ఎన్టీఆర్ మాటలు వినాలంటే భయం పట్టుకుందని లక్ష్మీ పార్వతి ఎద్దేవా చేశారు.
రాంగోపాల్ వర్మ ఎలాంటి భయం లేకుండా ఎన్టీఆర్ ఎలా మరణించారో ప్రజలకు చూపిస్తారని తాను నమ్ముతున్నట్లు లక్ష్మీ పార్వతి తెలిపారు. చంద్రబాబు మోసానికి వ్యతిరేకంగా ప్రజలు వైఎస్ జగన్ మోహన్రెడ్డికి బ్రహ్మరథం పడుతున్నారని ఆమె అన్నారు. ప్రస్తుతం టీడీపీ ప్రభుత్వంలో మంత్రిగా ఉన్న సుజయ్ కృష్ణ రంగారావు పార్టీ మారినా తమకేమీ చేయలేదని అక్కడి మహిళలే చీదరించుకుంటున్నారని ఆమె తెలిపారు.
రెండు రోజుల క్రితం లక్ష్మీస్ ఎన్టీఆర్ దర్శకుడు రాంగోపాల్ వర్మతో కలసి తిరుమల శ్రీవారిని దర్శించుకున్న లక్ష్మీ పార్వతి అక్కడ మీడియాతో మాట్లాడుతూ 22ఏళ్ల నా పోరాటానికి లక్ష్మీస్ ఎన్టీఆర్ సినిమా దర్పణం పడుతుందని చెప్పిన సంగతి తెలిసిందే. మరోవైపు ఈ సినిమాకు సంబంధించి అక్కడ దర్శకుడు రాంగోపాల్ వర్మ ఒక కీలక ప్రకటనను ట్వీట్ చేశారు.
''లక్ష్మీస్ ఎన్టీఆర్'కు కల్యాణి మాలిక్ సంగీతం అందిస్తున్నారని... బాలకృష్ణ 'ఎన్టీఆర్'కు స్వరాలు సమకూరుస్తున్న ఎమ్.ఎమ్. కీరవాణి సోదరుడైన కల్యాణి మాలిక్ అనుకోకుండా మా సినిమా కోసం పనిచేస్తున్నారని చెప్పడం గమనార్హం. అయితే ఇది నిజంగా కాకతాళీయంగా జరిగిందని...ఉద్దేశ పూర్వకంగా ఆయన్ను ఈ ప్రాజెక్టుకు తీసుకోలేదని వర్మ ట్వీట్ చేశారు. దీంతోపాటు కల్యాణి మాలిక్తో కలిసి దిగిన ఫొటోను వర్మ షేర్ చేశారు.
-
సికింద్రాబాద్ స్టేషన్ సిద్దం, ప్రధాని మోదీ ప్రారంభం - ముహూర్తం ఫిక్స్..!! -
తెలంగాణ నుంచి తిరుపతి వెళ్లే వారికి గుడ్ న్యూస్.. అందుబాటులోకి కొత్త ఎన్ హెచ్ 565 -
బంగారం ధరలు అధోగతి- కనీవినీ ఎరుగనంత పతనం -
PM Modi: అన్నింటికీ సిద్దం అయిపోండి..! ప్రధాని మోడీ షాకింగ్ పిలుపు..! -
సికింద్రాబాద్- విశాఖ ఎక్స్ ప్రెస్ ఇక విజయవాడ వెళ్లదు- డైవర్షన్ రూట్ -
ప్రతీ ఇంటికీ రెండు ఫ్రీ గ్యాస్ సిలెండర్లు-ఇరాన్ వార్ వేళ సర్కార్ ఆఫర్..! -
రైతు భరోసా నిధులు జమ కాలేదా, ఇలా చేయండి- వెంటనే..!! -
మకరరాశి వార్షిక జాతకం ఇలా.. ఈ ఏడాది విశేష లాభాలు! -
ఏపీలో ఉద్యోగులకు సర్కార్ గుడ్ న్యూస్..! ఇకపై ఈ మార్పు..! -
తమిళనాడులో సీన్ రివర్స్-తాజా సర్వేలో హోరాహోరీ-ఎడ్జ్ మాత్రం..! -
విజయ్కు షాకిచ్చిన సర్వే!: ఆ పార్టీకి 180+ సీట్లు -
ధనుస్సు రాశి, మకర రాశి ఏప్రిల్ నెల జాతక ఫలం
Click it and Unblock the Notifications
Sign in with Google