పర్యాటకులకు పండుగే .. విశాఖలో మూడు రాత్రులు సముద్రంలో క్రూయిజ్ విహారం!
రొటీన్ లైఫ్, ఆఫీస్ ఒత్తిడితో విసిగిపోయిన పర్యాటకులకు ఏపీ టూర్స్ అండ్ ట్రావెల్స్ అసోసియేషన్ ఒక అద్భుతమైన అవకాశాన్ని తీసుకువచ్చింది. విశాఖపట్నం వేదికగా ప్రపంచ స్థాయి విలాసవంతమైన 'కార్డేలియా క్రూయిజ్' సముద్ర విహార యాత్ర మళ్లీ ప్రారంభం కానుంది. ఈ లగ్జరీ నౌకలో ప్రయాణించాలనుకునే వారి కోసం షెడ్యూల్, టికెట్ ధరలు మరియు అందులోని ప్రత్యేకతలలు తెలుసుకోవాలనుకుంటే ఇది మీ కోసమే .
కార్డేలియా క్రూయిజ్ సముద్ర విహార యాత్ర
కార్డేలియా క్రూయిజ్ సముద్ర విహార యాత్ర జూన్ 22 నుండి ప్రారంభమై జూలై 15వ తేదీ వరకు అందుబాటులో ఉంటుంది. ఈ సీజన్ లో విశాఖపట్నం నుండి చెన్నైకి నాలుగు సార్లు, అలాగే చెన్నై నుండి విశాఖపట్నానికి నాలుగు సార్లు ఈ భారీ నౌక ప్రయాణించనుంది. సాధారణంగా ఈ టూర్ ప్యాకేజీలు 3 రాత్రులు - 4 రోజులు కాలపరిమితితో సాగుతాయి.
సాగర ప్రయాణంలో పర్యాటకులకు సరికొత్త ప్రపంచ అనుభూతి
విశాఖ నుంచి బయల్దేరే ఈ క్రూయిజ్ సముద్రం గుండా పుదుచ్చేరి మీదుగా చెన్నై చేరుకుంటుంది. ఈ 36 గంటల సాగర ప్రయాణంలో పర్యాటకులు సరికొత్త ప్రపంచాన్ని అనుభూతి చెందవచ్చు. నౌకలోని విలాసవంతమైన సౌకర్యాలుఈ భారీ నౌకలో మొత్తం 11 అంతస్తులు ఉంటాయి. సుమారు 2000 మంది ప్రయాణికులు ఒకేసారి ప్రయాణించగల సామర్థ్యం దీని సొంతం. కేవలం ప్రయాణమే కాకుండా వినోదం, విలాసాలకు ఇక్కడ కొదవ లేదు.
క్రూయిజ్ లో ఫుల్ ఎంటర్టైన్మెంట్
అంతర్జాతీయ స్థాయి థియేటర్లు, కామెడీ షోల కోసం ప్రత్యేక ఆడిటోరియం, లైవ్ మ్యూజిక్.యాక్టివిటీస్, పిల్లల కోసం 'కార్డేలియా కిడ్స్ అకాడమీ', పెద్దల కోసం మోడ్రన్ జిమ్, స్విమ్మింగ్ పూల్, క్యాసినో.సౌకర్యాలు, 24 గంటల పాటు అందుబాటులో ఉండే సూపర్ మార్కెట్ మరియు ప్రపంచ స్థాయి వంటకాలతో కూడిన రెస్టారెంట్లు ఉంటాయి. కార్డేలియా క్రూయిజ్లో మీరు ఎంచుకునే రూమ్ కేటగిరీని బట్టి టికెట్ ధరలు మారుతుంటాయి.
సముద్ర అందాలను చూసే మరువలేని జ్ఞాపకం
సాధారణంగా ఒక వ్యక్తికి ప్రారంభ ధర రూ.22,000 నుండి రూ.25,000 వరకు ఉంటుంది. ఇంటీరియర్ క్యాబిన్ బడ్జెట్ ఫ్రెండ్లీగా ప్రయాణించాలనుకునే వారికి ఇది బెస్ట్ ఆప్షన్.ఓషన్ వ్యూ క్యాబిన్ గదిలో నుంచే సముద్ర అందాలను వీక్షించవచ్చు.బాల్కనీ మరియు సూట్ రూమ్స్ చాలా ప్రత్యేకంగా ఉంటాయి. అత్యంత విలాసవంతమైన ప్రైవేట్ బాల్కనీ సౌకర్యం ఉంటుంది వీటి ధరలు డిమాండ్ను బట్టి రూ.80,000 పైగా ఉంటాయి. వేసవి ముగింపులో సరికొత్త అనుభూతిని పొందాలనుకునే వారికి ఈ కార్డేలియా క్రూయిజ్ జర్నీ ఒక మరువలేని జ్ఞాపకంగా నిలుస్తుంది.
Click it and Unblock the Notifications
Sign in with Google