గుర్రపు డెక్కనూ వదలకుండా.. చెత్త నుండి సంపద సృష్టి చేస్తున్న ఏపీ మహిళలు!
మహిళలను ఆర్థికంగా బలోపేతం చేయడం పైన ఆంధ్రప్రదేశ్, తెలంగాణ రాష్ట్రాలు పోటీపడుతున్నాయి. తెలంగాణ రాష్ట్రంలో కోటి మంది మహిళలను కోటీశ్వరులను చేయాలని ప్రభుత్వ లక్ష్యంగా పెట్టుకుంటే, ఏపీలో మహిళల ఆర్థిక స్వావలంబన కోసం అనేక కార్యక్రమాలను చేపడుతున్న ఏపీ ప్రభుత్వం వారికి ఉపాధి అవకాశాలను కల్పిస్తోంది. ఇదే క్రమంలో తాజాగా మరొక కొత్త కార్యక్రమానికి ఏపీ సర్కారు శ్రీకారం చుట్టింది.
స్వయం సహాయక సంఘాల మహిళలకు ఉపాధికి కొత్త కార్యక్రమం
పర్యావరణహిత వ్యవసాయాన్ని ప్రోత్సహించే దిశగా గ్రామీణ ప్రాంతాలలోని స్వయం సహాయక సంఘాల మహిళలకు ఉపాధి అవకాశాలను కల్పించనుంది. గ్రామీణ ప్రాంతాలలో లభించే గుర్రపు డెక్క నుండి సేంద్రియ ఎరువు తయారీ ప్రక్రియను మహిళల ద్వారా నిర్వహించాలని నిర్ణయించింది. ఈ కార్యక్రమం చెత్త నుండి సంపద సృష్టి కేంద్రాల ద్వారా అమలవుతుంది.
ఈ జిల్లాలో చెత్త నుండి సంపద కేంద్రాలలో సేంద్రీయ ఎరువుల తయారీ
ఏపీలో ఇప్పటికే తూర్పుగోదావరి జిల్లాలో ఎంపిక చేసిన గ్రామ పంచాయతీలలో చెత్త నుండి సంపద సృష్టి కేంద్రాల ద్వారా మహిళలు గుర్రపుడెక్కతో సేంద్రియ ఎరువులను తయారు చేస్తున్నారు. తొలి విడతగా తూర్పుగోదావరి జిల్లాలోని 10మండలాలలో 11గ్రామ పంచాయతీలను ఎంపిక చేశారు. అనపర్తి, తోసిపూడి, సమిశ్రగూడెం, ద్వారపూడి, జేగురుపాడు, కోలమూరు, నుదుపల్లి, లొల్ల, పల్లంగి, కపిలేశ్వరపురం, ఉండ్రాజవరం వంటి గ్రామపంచాయతీలలో సంపద సృష్టి బాధ్యతలను ఎస్ హెచ్ జీ మహిళలకు అప్పగించారు.
గుర్రపు డెక్క ద్వారా ఎరువుల తయారీపై శిక్షణ
జిల్లాలో ఉన్న 307 సంపద సృష్టి కేంద్రాలలో, 11 కేంద్రాలను మహిళలకు అప్పగించారు. వీరికి గుర్రపు డెక్క ద్వారా ఎరువుల తయారీపై శిక్షణ ఇచ్చారు. చాప్ కట్టర్స్ కొనుగోలుకు రుణాలను మంజూరు చేశారు. ఈ యంత్రాల సాయంతో గుర్రపు డెక్కను చిన్న చిన్న ముక్కలుగా కత్తిరించి శాస్త్రీయ పద్దతిలో సేంద్రీయ ఎరువులు తయారు చేస్తున్నారు.
గుర్రపు డెక్క ద్వారా సేంద్రీయ ఎరువులను వినియోగిస్తున్న ప్రజలు
గుర్రపు డెక్క తో తయారు చేసిన ఎరువు, సాధారణ సేంద్రియ ఎరువు కంటే రెండు నుంచి మూడు రెట్లు నాణ్యత ఎక్కువగా ఉంటుందని చెబుతున్నారు. వరితో పాటు, మామిడి, కొబ్బరి, కూరగాయలు, ఆయిల్ పామ్, పూల మొక్కలకు ఉపయోగపడుతుందని చెబుతున్నారు. ప్రస్తుత మహిళలతో గుర్రపు డెక్క ద్వారా సేంద్రీయ ఎరువులను తయారు చేస్తున్న, వాటిని వినియోగిస్తున్నారు.
భవిష్యత్ లో మహిళలకు మరిన్ని కేంద్రాలు
ఈ విధానం సక్సెస్ అయితే భవిష్యత్తులో మరిన్ని గ్రామ పంచాయతీలలోని చెత్త నుండి సంపద సృష్టి కేంద్రాలను మహిళలకు అప్పగిస్తామని గ్రామీణ అభివృద్ధి సంస్థ చెబుతోంది. దీని ద్వారా మహిళలకు ఆదాయం రావడమే కాకుండా, రైతులకు నాణ్యమైన ఎరువు కూడా అందుతుంది అంతే కాదు పర్యావరణానికి రసాయనాలు లేని ఎరువులతో లబ్ధి చేకూరుతుంది.
Click it and Unblock the Notifications
Sign in with Google