మరోసారి పవన్ కళ్యా‌ణ్‌పై ప్రకాష్ రాజ్ సెటైర్లు.. సినిమా కాదంటూ !

ఏపీ డిప్యూటీ సీఎం ప‌వ‌న్ కళ్యాణ్ పై ప్ర‌ముఖ న‌టుడు ప్ర‌కాశ్‌రాజ్ మ‌రోసారి సెటైర్లు వేశారు. తాజాగా ఓ ఇంట‌ర్వ్యూలో పాల్గొన్న ఆయ‌న జాతీయ అవార్డులు, రాజకీయాలపై కీలక వ్యాఖ్యలు చేశారు. ఈ క్రమంలోనే రాజ‌కీయాల్లోకి అడుగుపెట్టిన స‌మ‌యంలో ప్ర‌జా స‌మ‌స్య‌ల గురించి మాట్లాడిన ప‌వ‌న్‌.. ఇప్పుడు అధికారంలోకి వ‌చ్చాక వాటి గురించి పెద్ద‌గా ప‌ట్టించుకోవ‌డం లేద‌న్నారు. అధికారంలో ఉండి కూడా ప్ర‌జా స‌మ‌స్య‌ల‌ను ప‌రిష్క‌రించ‌కుండా టైంపాస్ ప‌నులేంటి? అని నిల‌దీశారు. పలు‌ర‌కాలుగా మాట్లాడ‌టానికి ఇదేం సినిమా కాదని సెటైర్లు వేశారు.

అంతే కాకుండా తిరుపతి లడ్డూ వివాదంపై కూడా ప్రకాష్ రాజు స్పందించారు. అది చాలా సున్నితమైన అంశమని.. భక్తుల మనోభావాలకు సంబంధించిందని చెప్పారు. ఇలాంటి వాటి గురించి మాట్లాడేటప్పుడు సరైన ఆధారాలతో జాగ్రత్తగా వ్యవహరించాలని తెలిపారు. లడ్డూ తయారీలో నిజంగానే కల్తీ జరిగితే బాధ్యులను వెంటనే శిక్షించాలని ప్రకాష్ రాజ్ కోరారు.

అలాగే తాను స‌నాత‌న ధ‌ర్మానికి వ్య‌తిరేకిని కాద‌న్నారు. ఇక గ‌తంలోనూ ప‌వ‌న్‌ను ఉద్దేశించి ప్ర‌కాశ్‌రాజ్ సోష‌ల్ మీడియా వేదిక‌గా పోస్టులు పెట్టిన విష‌యం తెలిసిందే. త్రిభాషా విధానం అంశంలో, తిరుమ‌ల ప్ర‌సాదం ల‌డ్డూ విషయంలో సైతం పవన్ పై షాకింగ్ పోస్టులు పెట్టారు.

రీసెంట్ గా జనసేన ఆవిర్భావ సభలో జనసేనాని పవన్ కళ్యాణ్ చేసిన వ్యాఖ్యలు దుమారం రేపాయి. కేంద్ర ప్రభుత్వం ప్రవేశపెట్టిన త్రిభాషా విధానంపై పవన్ కళ్యాణ్ కీలక వ్యాఖ్యలు చేశారు. ప్రస్తుతం కొందరు హిందీ భాషపై గగ్గోలు పెడుతున్నారంటూ పరోక్షంగా తమిళనాడు ముఖ్యమంత్రి స్టాలిన్‌కు చురకలు అంటించారు. హిందీ భాష నేర్చుకోవల్సిన అవసరం ఉందని వ్యాఖ్యానించారు. అందుకు ప్రకాష్ రాజ్.. మీ హిందీ భాషను మా మీద రుద్దకండి అని చెప్పడం ఇంకో భాషను ద్వేషించడం కాదని, స్వాభిమానంతో తమ మాతృభాషను, తమ తల్లిని కాపాడుకోవడమేనని పవన్ కళ్యాణ్‌కు ఎవరైనా చెప్పండి ప్లీజ్..జస్ట్ ఆస్కింగ్ అంటూ ముగించారు ప్రకాశ్ రాజ్

గతంలో తిరుపతి లడ్డూ ఇష్యూని జాతీయ సమస్యగా మార్చవద్దని, ముందుగా దోషులను కనుగొని వారిని శిక్షించాలని ప్రకాష్ పవన్ కళ్యాణ్‌కు విజ్ఞప్తి చేశారు. ప్రియమైన పవన్ కళ్యాణ్ ... మీరు ఉప ముఖ్యమంత్రిగా ఉన్న రాష్ట్రంలో ఇది జరిగింది ... దయచేసి దర్యాప్తు చేయండి. దోషులను కనుగొని కఠిన చర్యలు తీసుకోండని ట్వీట్‌ చేశారు.

Dear @PawanKalyan …It has happened in a state where you are a DCM .. Please Investigate ..Find out the Culprits and take stringent action. Why are you spreading apprehensions and blowing up the issue Nationally … We have enough Communal tensions in the Country. (Thanks to your… https://t.co/SasAjeQV4l

— Prakash Raj (@prakashraaj) September 20, 2024

English summary

Popular actor Prakash Raj has once again satirized AP Deputy CM Pawan Kalyan. In a recent interview, he made key comments on national awards and politics. He satirized Pawan saying that this is not a movie to talk about in various ways.