మరో భారీ ప్రయోగానికి సిద్ధమైన ఇస్రో: ఒకేసారి ఏడు ఉపగ్రహాలు నింగిలోకి, ఎప్పుడంటే?

న్యూఢిల్లీ: భారత అంతరిక్ష పరిశోధన సంస్థ(ISRO) మరో భారీ ప్రయోగానికి సిద్ధమైంది. పీఎస్ఎల్వీ సీ-56 రాకెట్ ప్రయోగం కోసం శ్రీహరికోటలోని సతీష్ ధావన్ స్పేస్ సెంటర్‌లోసన్నాహాలు జరుగుతున్నాయి. జులై 30న ఉదయం 6.30 గంటలకు మొదటి లాంచ్ ప్యాడ్ నుంచి డీఎస్ఎల్వీ-ఎస్ఏఆర్ ఉపగ్రహాన్ని పీఎస్ఎల్వీ-సీ56 ప్రయోగించనున్నారు.

ఈ ప్రయోగం ద్వారా సింగపూర్‌కు చెందిన డీఎస్-ఎస్ఏఆర్ శాటిలైట్ తోపాటు మరో ఆరు ఉపగ్రహాలను నింగిలోకి పంపనున్నట్లు ఇస్రో వెల్లడించింది. సింగపూర్ ప్రభుత్వ ఏజెన్సీలకు ఉపగ్రహ ఛాయాచిత్రాల అవసరాల నిమిత్తం డీఎస్-ఎస్ఏఆర్ ను ప్రయోగిస్తున్నట్లు ఇస్రో అధికారులు తెలిపారు.

డీఎస్-ఎస్ఏఆర్ తోపాటుటెక్నాలజీ డెమాన్ స్ట్రేషన్ మైక్రో శాటిలైట్ వెలాక్స్-ఏఎం, ఎక్స్‌పెరిమెంటల్ శాటిలైట్ ఆర్కేడ్, 3యూ నానో శాటిలైట్ స్కూబ్-2, ఐవోటీ కనెక్టివ్ నానోశాటిలైట్ నూలయాన్, గలాసియా-2, ఓఆర్బీ-12 స్ప్రైడర్ శాటిలైట్లను కూడా నింగిలోకి పంపనుంది. కమర్షియల్ పీఎస్‌ఎల్వీ మిషన్‌లో భాగంగా న్యూ స్పేస్‌ ఇండియా లిమిటెడ్ (NSIL) తరఫున ఈ ఏడు ఉపగ్రహాలను ప్రయోగించనున్నట్లు ఇస్రో సోమవారం వెల్లడించింది.

జులై నెల 30న ఉదయం 6.30 గంటలకు శ్రీహరికోటలోని స్పేస్‌పోర్ట్‌ మొదటి లాంచ్ ప్యాడ్ నుంచి డీఎస్‌ఎల్‌వీ-ఎస్ ఏఆర్ ఉపగ్రహాన్ని పీఎస్‌ఎల్‌వీ-సీ56 ప్రయోగించనుంది. డీఎస్‌-ఎస్‌ఏఆర్‌ ఉపగ్రహం బరువు 360 కిలోలు.

🇮🇳PSLV-C56🚀/🇸🇬DS-SAR satellite 🛰️ Mission:
The launch is scheduled for
📅 July 30, 2023
⏲️ 06:30 Hrs. IST
🚩First launch pad SDSC-SHAR, Sriharikota. @NSIL_India has procured PSLV-C56 to deploy the DS-SAR satellite from DSTA & ST Engineering, Singapore

and 6 co-passenger… pic.twitter.com/q42eR9txT7

— ISRO (@isro) July 24, 2023

సింగపూర్‌కు చెందిన డిఫెన్స్ సైన్స్ అండ్ టెక్నాలజీ ఏజెన్సీ (డీఎస్టీఏ), ఎస్టీ ఇంజినీరింగ్ భాగస్వామ్యంతో ఉపగ్రహాన్ని అభివృద్ధి చేసింది. ఈ ఉపగ్రహం పగలు-రాత్రి కవరేజీని అందివ్వనుంది. ఇది పూర్తి పోలారిమెట్రీ వద్ద 1 మీ-రిజల్యూషన్ వద్ద ఇమేజింగ్ చేయగలదు. సింగపూర్‌ ప్రభుత్వంలోని వివిధ ఏజెన్సీలకు సేవలందించనుంది.

English summary

pslv c-56 will launch 7 satellites including singapore satellite on this month 30th.