రాంగోపాల్ వర్మ తల నరికి తెస్తే కోటి రూపాయలిస్తానన్న ఉద్యమనేత: ఆర్జీవీ ఏం చేశారంటే!!

ఆంధ్రప్రదేశ్ రాష్ట్రంలో ఎన్నికలకు ఇంకా ఎంతో సమయం లేదు. ఈ సమయంలో ఏపీలో ఆసక్తికర పరిణామాలు చోటు చేసుకుంటున్నాయి. వివాదాస్పద దర్శకుడు రాంగోపాల్ వర్మ సీఎం జగన్ పొలిటికల్ బ్యాక్ గ్రౌండ్ నేపథ్యంలో వచ్చిన సినిమా వ్యూహం ఇప్పుడు ఏపీలో రచ్చగా మారింది.

తెలుగుదేశం పార్టీ అధినేత చంద్రబాబును, జనసేన అధినేత పవన్ కళ్యాణ్ ను కించ పరిచే విధంగా ఈ సినిమా రూపొందించారని టిడిపి, జనసేన కార్యకర్తల నుంచి నేతల నుండి తీవ్ర వ్యతిరేకత వ్యక్తం అవుతుంది. ఇదే సమయంలో ఈ సినిమా విడుదలను ఆపాలని టిడిపి జాతీయ ప్రధాన కార్యదర్శి నారా లోకేష్ కోర్టును ఆశ్రయించారు. ప్రస్తుతం కోర్టులో ఈ కేసు విచారణ జరుగుతుంది.

సినిమాను ఈనెల 29వ తేదీన విడుదల చేస్తామని ఆర్జీవి ప్రకటించడంతో టిడిపి, జనసేన వ్యూహం సినిమా విడుదలను అడ్డుకోవడానికి శతవిధాల ప్రయత్నాలు చేస్తున్నాయి. ఇదిలా ఉంటే నిన్న రాత్రి టీవీ డిబేట్లో మాట్లాడుతూ అమరావతి ఉద్యమ నేత కొలికి పూడి శ్రీనివాసరావు వ్యూహం సినిమాపై, ఆర్జీవి పై సంచలన వ్యాఖ్యలు చేశారు.

రాంగోపాల్ వర్మ తల నరికి ఎవరైనా తెస్తే వాళ్ళకి కోటి రూపాయలు ఇస్తానని బహిరంగంగా ప్రకటించారు. టీవీ డిబేట్ షోలో ఉన్న యాంకర్ సాంబశివరావు కూడా తన వ్యాఖ్యలు వెనక్కి తీసుకోవాలని శ్రీనివాసరావుకు చెప్పినప్పటికీ ఆయన ఏమాత్రం వెనక్కు తగ్గలేదు. మళ్ళీ అదే మాట చెబుతున్నా.. ఆర్జీవి తల నరికి తెచ్చిన వారికి కోటి రూపాయలు ఇస్తానని ప్రకటించారు. ప్రస్తుతం ఈ వీడియో సోషల్ మీడియాలో హల్చల్ చేస్తుంది.

నివారిస్తున్నట్టు నటిస్తూనే ఆ కొలికపూడి శ్రీనివాసరావు తో నన్ను చంపించటానికి మూడు సార్లు కాంట్రక్ట్ ఇప్పించావుగా సాంబా ..జస్ట్ వెయిట్ pic.twitter.com/3eMyfRGcM1

— Ram Gopal Varma (@RGVzoomin) December 26, 2023

అయితే కొలికి పూడి శ్రీనివాసరావు వ్యాఖ్యల పైన స్పందించిన రామ్ గోపాల్ వర్మ వీడియో క్లిప్ ను ఏపీ పోలీసులను ట్యాగ్ చేస్తూ ట్విట్టర్లో పోస్ట్ చేశారు. కొలికపూడి శ్రీనివాసరావు నన్ను చంపడానికి కోటి రూపాయల కాంట్రాక్ట్ ఇచ్చాడు. అతనికి ఒక న్యూస్ ఛానెల్‌కు చెందిన సాంబ శివరావు అనే యాంకర్ తెలివిగా సహాయం చేసాడని, వారిద్దరూ కలిసి తన హత్యకు ప్లాన్ చేశారన్నారు.

Mr @ncbn ,Mr @naralokesh and Mr @PawanKalyan it is a joke that you talk about violence ,Goondas and terrorists in other parties pic.twitter.com/TBgYRPwrTS

— Ram Gopal Varma (@RGVzoomin) December 26, 2023

దయచేసి దీన్ని నా అధికారిక ఫిర్యాదుగా పరిగణించండి అంటూ మొదట ట్వీట్ చేశారు. ఆ తర్వాత మరొక ట్వీట్ లో తెలుగుదేశం పార్టీ దాని అధినేత చంద్రబాబు నాయుడు ప్రతినిధులు, వారికి అనుబంధంగా ఉన్న ఛానల్లో పబ్లిక్ గా ప్రజలు తలలను నరకాలని సుపారీలు ఇస్తున్నారని రాంగోపాల్ వర్మ పేర్కొన్నారు.

Dear ⁦@APPOLICE100⁩ ,this kolikapudi Sreenivasrao gave contract of Rs 1crore to kill me and he was cleverly aided by anchor called Samba of TV 5 channel who together facilitated him to repeat the contract killing on me 3 times ..Please treat this as my official complaint pic.twitter.com/Aixp5n5vpd

— Ram Gopal Varma (@RGVzoomin) December 26, 2023

ఇక దీనిని ఖండించకపోతే, బహిరంగంగా వారిని తరిమి కొట్టకపోతే కాంట్రాక్ట్ హత్యలు టిడిపి అధికారిక విధానంగా గుర్తించబడతాయి అని రాంగోపాల్ వర్మ అభిప్రాయం వ్యక్తం చేశారు. తనను చంపడానికి డబ్బు కాంట్రాక్ట్ ఇస్తున్నందుకు కొలికపూడి శ్రీనివాసరావుపై, ఆ టీవీ డిబేట్ నిర్వహించిన యాంకర్ సాంబశివరావు మరియు యజమాని బిఆర్ నాయుడుపై తాను అధికారికంగా పోలీసు ఫిర్యాదును ఇస్తున్నానని పేర్కొన్నారు.

TDP party and its head @ncbn ‘s representatives are publically on supportive tv channels like TV 5 offering monetary contracts to CUT PEOPLE’S HEADS OFF PMO … If he is not condemned and kicked out publically by them CONTRACT KILLINGS will be recognised as official policy of TDP pic.twitter.com/3HoNizU2Yh

— Ram Gopal Varma (@RGVzoomin) December 26, 2023

English summary

Kolikipudi Srinivasa Rao, the leader of the Amaravati movement, publicly announced that he would give one crore rupees to anyone who beheaded Ramgopal Varma. RGV announced that he is complaining about these comments.