PNG కనెక్షన్ కావాలా? ఈ నంబర్లకు కాల్ చేస్తే చాలు

గృహావసర గ్యాస్ సిలిండర్ల (LPG) ధరల పెరుగుదల, బుకింగ్ సమయంలో ఎదురయ్యే జాప్యం, డెలివరీ ఇబ్బందులతో సతమతమవుతున్న సామాన్యులకు పిఎన్‌జీ (Piped Natural Gas - PNG) ఒక అద్భుతమైన ప్రత్యామ్నాయంగా మారుతోంది. వినియోగదారుల కష్టాలను గుర్తించిన హిందుస్థాన్ పెట్రోలియం (HPCL), భాగ్యనగర్ గ్యాస్ లిమిటెడ్ (BGL) ద్వారా నేరుగా ఇంటికే పైపుల ద్వారా గ్యాస్ సరఫరా చేసే ప్రక్రియను వేగవంతం చేసింది. ఈ కనెక్షన్ పొందాలనుకునే వారి కోసం తాజాగా హెల్ప్‌లైన్ నంబర్లను విడుదల చేసింది.

సాధారణ ఎల్‌పీజీ సిలిండర్ల వాడకంలో గ్యాస్ ఎప్పుడు అయిపోతుందోనన్న ఆందోళన ప్రతి ఇంట్లోనూ ఉంటుంది. కానీ పీఎన్‌జీ కనెక్షన్‌తో ఆ అవసరం ఉండదు. నిరంతరం గ్యాస్ సరఫరా అవుతూనే ఉంటుంది. పైగా ఇది ఎల్‌పీజీ కంటే సురక్షితమైనది. గాలి కంటే తేలికగా ఉండటం వల్ల లీకేజీ జరిగినా ప్రమాద తీవ్రత చాలా తక్కువగా ఉంటుంది. అంతేకాకుండా, సిలిండర్ల మాదిరిగా ముందుగా డబ్బు చెల్లించాల్సిన పని లేకుండా, వాడుకున్న గ్యాస్‌కు మాత్రమే నెలాఖరున బిల్లు కట్టే సౌలభ్యం ఇందులో ఉంది.

కొత్త కనెక్షన్ కోసం సంప్రదించాల్సిన నంబర్లు:

భాగ్యనగర్ గ్యాస్ లిమిటెడ్ ఆధ్వర్యంలో తెలుగు రాష్ట్రాల్లోని ప్రధాన నగరాల్లో ఈ సేవలు అందుబాటులో ఉన్నాయి. కొత్త కనెక్షన్ కోసం ఆసక్తి గల వారు ఈ కింది నంబర్లను సంప్రదించవచ్చు..

హైదరాబాద్ - విజయవాడ:

• ఫోన్ నంబర్: 040-23234701
• వాట్సాప్ నంబర్: 9154313839

కాకినాడ:

• ఫోన్ నంబర్: 0884-2333326
• వాట్సాప్ నంబర్: 9154313848

మారిన ఇంధన సమీకరణాలు..

ప్రస్తుతం అంతర్జాతీయంగా ముడిచమురు ధరలు పెరగడం, వాణిజ్య సిలిండర్ల ధరలు ఆకాశాన్నంటుతున్న తరుణంలో పీఎన్‌జీకి మారడం ఆర్థికంగా కూడా లాభదాయకమని నిపుణులు సూచిస్తున్నారు. ఎటువంటి అదనపు డెలివరీ ఛార్జీలు లేకుండా, పారదర్శకమైన రీడింగ్ పద్ధతిలో గ్యాస్ పొందడం వల్ల సామాన్యుడిపై ఆర్థిక భారం తగ్గే అవకాశం ఉంది. గ్యాస్ కనెక్షన్ పొందాలనుకునే వారు పైన పేర్కొన్న వాట్సాప్ నంబర్ల ద్వారా కేవలం మెసేజ్ పంపి వివరాలు తెలుసుకోవచ్చు.

English summary

Say goodbye to LPG cylinder troubles! Bhagyanagar Gas Limited (BGL) provides contact and WhatsApp numbers for new PNG connections in Hyderabad, Vijayawada, and Kakinada.