నూతన వాహనాల్లో టిఆర్ నంబర్లతో తెగతిరిగేస్తున్నారా?...ఇది తెలుసుకోండి!
విశాఖపట్టణం:కొత్త వాహనం కొన్నప్పుడు కేటాయించే టెంపరరీ రిజిస్ట్రేషన్ నంబర్ తో గడువు గురించి పట్టించుకోకుండా తెగతిరిగేస్తున్నారా...అలా అయితే అలాంటి వాళ్లందరూ ఈ విషయం తప్పకుండా తెలుసుకోవాల్సిందే!...
అదేమిటంటే...ఇకమీదట మీ వాహనానికి టిఆర్ నంబర్ గడువు తీరేలోపు శాశ్వత రిజిస్ట్రేషన్ చేయించకపోతే రవాణాశాఖే మీ వెహికల్ కి ఆటోమేటిక్ గా ఏదో ఒక సీరియల్ నంబర్ ప్రకారం దానికి ఇష్టం వచ్చిన పర్మినెంట్ నంబర్ మీకు కేటాయించేస్తుంది. ఆ రకంగా నూతన వాహనాలకు పర్మినెంట్ నంబర్ కేటాయించేలా రవాణాశాఖ నూతన సాఫ్ట్వేర్ను సిద్ధం చేసింది.
ఈ విధానాన్ని అతి త్వరలోనే అంటే మే నెలలోనే అమల్లోకి తెచ్చేందుకు రవాణా శాఖ అధికారులు ఏర్పాట్లు చేస్తున్నట్లు సమాచారం. ప్రస్తుతం అమలులో ఉన్న విధానం ప్రకారం కొత్త వాహనం కొన్న తరువాత 30 రోజుల పాటు వినియోగించుకునేందుకు తాత్కాలిక రిజిస్ట్రేషన్(టిఆర్ నంబర్) ఇస్తున్నారు. అయితే చాలామంది తమకు కావాల్సిన నంబర్ సీరియల్ ఇంకా రాలేదని, టిఆర్ నంబర్ గడువు ముగిసినా పర్మినెంట్ రిజిస్ట్రేషన్ కోసం వెళ్లటం లేదు. టీఆర్ నెంబర్తోనే నెలల తరబడి వాహనాన్ని నడుపుతున్నారు.
అయితే ఇక ఈ పద్ధతిని పూర్తిగా మార్చేయాలనే ఉద్దేశంతో రవాణా శాఖ కొత్త సాఫ్ట్వేర్ తెచ్చినట్లు తెలుస్తోంది. నూతన విధానంలో తాత్కాలిక రిజిస్ట్రేషన్ గడువు పూర్తయిపోగానే అప్పటి వరకు వాహనాలకు కేటాయించబడిన సిరీస్ ను ఆధారం చేసుకొని ఆటోమేటిక్గా కొత్త నెంబరును ఆ టిఆర్ ముగిసిన వాహనానికి కేటాయించేస్తుంది. దీనివల్ల ఇబ్బందేముంది అంటారా?...ఏ నంబర్ అయితేంలే అనుకునేవారికి ఈ విధానం వల్ల ఎలాంటి నష్టం లేదు...కానీ తమ వాహనానికి తమకు ఇష్టమైన నంబరే ఉండాలని బలంగా కోరుకునేవారికి మాత్రం ఈ విధానం వల్ల ఇబ్బందే. ఎందుకంటే...
ఒకసారి ఇలా టిఆర్ నంబర్ ముగిసాక అలాట్ అయిన ఆటోమేటిక్ పర్మినెంట్ నంబర్ ఆ తరువాత ఆ నంబర్ మీకు ఇషం ఉన్నా...లేకున్నా...దీన్ని మార్చుకోవడం అసాధ్యమని రవాణాశాఖ వర్గాలే స్ఫష్టం చేస్తున్నాయి. ఈ విధానం మొదటగా విశాఖ జిల్లా నుంచి అమలు చేసే అవకాశం ఉన్నట్లు తెలుస్తోంది. విశాఖ జిల్లాలో 9435 వాహనాలు టీఆర్ నెంబరుతో తిరుగుతున్నట్టు గుర్తించిన రవాణాశాఖ అధికారులు గత నెల రోజుగా వీటిపై కేసులు నమోదు చేస్తున్నారు. అయినా చాలామందిలో మార్పు రాకపోవడంతో ఈ తాజా చర్యలు తీసుకోనున్నట్లు తెలుస్తోంది.
-
బంగారం ధరలకు పూర్వవైభవం- పరుగులు -
ఉత్తరాభాద్ర నక్షత్రంలో శని సంచారం: కుంభరాశితో పాటు వీరికి సకల సంపదలు! -
today rashiphalalu:శుక్రుడు, శని కుంభరాశిలో.. వీరికి జాక్ పాట్! -
తప్పులో కాలేసిన విజయ్: ఏకంగా తలైవాతో..: కాలం మాట్లాడదు, వేచి ఉండి బదులిస్తుంది -
రైతులకు భారీ గుడ్ న్యూస్, పరిమితి రూ 5 లక్షలకు పెంపు - విధి విధానాలు..!! -
ఫస్ట్ ఒక స్టోరీ చెప్పి షూటింగ్కి వెళ్లాక దుస్తులు తీసేయాలన్నారు..! -
రైతు భరోసాపై మరో శుభవార్త చెప్పిన తెలంగాణా ప్రభుత్వం.. త్వరపడండి! -
ఉచిత బస్సు పథకంలో ఇక కొత్తగా, నేటి నుంచి పాస్ ల జారీ- మార్గదర్శకాలు..!! -
తెలంగాణ స్టైల్ 'పచ్చి పులుసు'.. జస్ట్ 10 నిమిషాల్లోనే రెడీ..! -
రంజాన్ కానుక: పండుగ వేళ భారీగా నిధుల విడుదల -
సిలిండర్ పొందాలంటే ఇక తప్పని సరిగా.. ప్రభుత్వం తాజా ఆదేశాలు..!! -
ఏపీలో ఆస్తిపన్ను చెల్లింపుదారులకు గుడ్ న్యూస్-బంపర్ ఆఫర్..!
Click it and Unblock the Notifications
Sign in with Google