TTD: తిరుమల శ్రీవారిని సామాన్యులు త్వరగా దర్శించుకునేలా టీటీడీ బిగ్ ప్లాన్!
తిరుమల శ్రీ వేంకటేశ్వర స్వామి దర్శనం కోసం దేశం నలుమూలల నుండి మాత్రమే కాదు విదేశాల నుండి కూడా భక్తులు వస్తారు. సంపన్నుల నుండి రోజువారీ వ్యక్తుల వరకు స్వామి వారి భక్తులు తిరుమలను సందర్శిస్తారు . అందరికీ వెంకన్న దర్శన భాగ్యం తక్కువ సమయంలో ఇబ్బంది లేకుండా కలిగించటం కోసం టీటీడీ కొత్త మార్గాలను ఆలోచిస్తోంది. తక్కువ సమయంలో భక్తులకు ఇబ్బంది లేని దర్శనం కోసం ప్లాన్ చేస్తుంది.
స్వామి దర్శనం జాప్యం కాకుండా టీటీడీ దృష్టి
తాజాగా కేవలం రెండు రోజుల్లోనే 1,72,565 మంది శ్రీవారి దర్శన భాగ్యం కల్పించింది టీటీడీ. ప్రత్యేక సమయాల్లో ఎక్కువ మంది స్వామి దర్శనానికి వస్తారు. ముఖ్యంగా శని, ఆదివారాల్లో చాలా మంది శ్రీవారి భక్తులు వస్తున్న క్రమంలో, వారందరి దర్శనానికి వీలు కల్పించామని టీటీడీ తెలిపింది. గత వారాంతంలో, 172,565 మంది శ్రీవారి దర్శనానికి వచ్చారు . శనివారం 88,076 మంది మరియు ఆదివారం 84,489 మంది స్వామివారిని దర్శనం చేసుకున్నారు.
అందుబాటులోకి సర్వీస్ లైన్
ఆలయానికి వచ్చేవారి కోసం నారాయణగిరి షెడ్ల వద్ద సర్వీస్ లైన్ పేరుతో ప్రత్యేక లైన్ ఏర్పాటు చేశారు. ఈ ప్రత్యేక లైన్ వారికి తక్కువ సమయంలో స్వామివారి దర్శనానికి వీలు కల్పిస్తుంది. సాధారణ క్యూ లైన్లలో భక్తుల రద్దీ ఉన్నప్పుడు ఈ సర్వీస్ లైన్ను ఉపయోగించవచ్చు. ఈ సర్వీస్ లైన్ ద్వారా ఎక్కువసేపు క్యూలో నిరీక్షించాల్సిన అవసరం లేకుండా స్వామిని దర్శించుకునే అదృష్టం కలుగుతుంది.
సామాన్య భక్తుల దర్శనం కోసం ఈ నిర్ణయాలు
వారాంతాలలో శ్రీవారి దర్శనానికి వచ్చే భక్తుల కోసం వారాంతపు రోజుల్లో ప్రోటోకాల్ మినహా సిఫారసు లేఖలను అనుమతించకపోవడం, శ్రీవాణి ట్రస్ట్ కింద టికెట్ల జారీని పరిమితం చేయడం లాంటి ముఖ్య నిర్ణయాల ద్వారా సామాన్య భక్తులకు అదనంగా గంటన్నర నుంచి రెండు గంటల పాటు సమయం కలిసి రావటంతో ఎక్కువమంది దర్శనం చేసుకునే అవకాశం ఏర్పడింది.
టీటీడీ నిర్ణయాలతో వేలాది భక్తులకు త్వరగా శ్రీవారి దర్శనం
టీటీడీ తాజా చర్యలతో సాధారణ సందర్శకులకు శ్రీవారిని దర్శనం చేసుకోవటానికి గంటన్నర నుండి రెండు గంటల సమయం కలిసొస్తుంది. ప్రతి గంటకు 4500 నుంచి 5000 మందికి శ్రీవారి దర్శన భాగ్యం కలుగుతోంది.వైకుంఠం క్యూ కాంప్లెక్స్ లతో పాటు, నారాయణగిరి షెడ్లు నిండిపోయాక భక్తులు ఆలయం బయట కిలోమీటర్ల కొద్ది క్యూ లైన్ లో నడవాల్సిన పని లేకుండా సర్వీస్ లైన్ ను అందుబాటులోకి తెచ్చి టీటీడీ తదనుగుణంగా ఏర్పాట్లు చేసింది.
Click it and Unblock the Notifications
Sign in with Google