విశాఖలో భారీగా పట్టుపడ్డ డ్రగ్స్.. తెర మీదకు టీడీపీ నేత..?

ఏపీలో భారీ ఎత్తున మత్తు పదార్థాలు స్వాధీనం కావడం సంచలనంగా మారింది. విశాఖ పోర్టులో 25 వేల కేజీల డ్రగ్స్ పట్టుబడింది. బ్రెజిల్ నుంచి విశాఖ తీరానికి వచ్చిన కంటైనర్‌లో భారీ ఎత్తున కొకైన్ దొరకడం కలకలం రేపుతోంది. డ్రైఈస్ట్‌తో మిక్స్ చేసిన బ్యాగుల్లో డ్రగ్స్‌ను తరలిస్తుండగా అధికారులు ఈ కంటైనర్‌ స్వాధీనం చేసుకున్నారు.

ఇంటర్‌పోల్ ఇచ్చిన విశ్వసనీయ సమాచారంతో సీబీఐ అధికారులు విశాఖపట్నం పోర్ట్‌‌లో ఈ మత్తు పదార్థాలను పట్టుకున్నారు. కొకైన్‌ను ఈస్ట్‌ సంచులలో కలిపినట్లు కేంద్ర దర్యాప్తు ఏజెన్సీ గుర్తించింది. మొత్తం సరుకులో ఎంత శాతం మత్తు పదార్థాలు ఉన్నాయనే విషయంపై అధికారులు ఆరా తీస్తున్నారు.

జర్మనీలోని హ్యాంబర్గ్ మీదుగా కంటైనర్ ఈ నెల 16న విశాఖపట్నం వచ్చినట్లు అధికారులు గుర్తించారు. బ్రెజిల్ నుంచి విశాఖపట్నంలోని సంధ్యా ఎక్స్‌పోర్ట్స్‌కు కంటైనర్ వచ్చినట్లు తెలిపారు. ఇప్పటికే సంధ్యా ఎక్స్‌పోర్ట్స్‌‌కు సంబంధించిన యాజమాన్యంపై సీబీఐ కేసు నమోదు చేసి విచారణ జరుపుతున్నారు.తాజాగా ఈ కేసులో ఓ టీడీపీ నేత ఉన్నారనే ప్రచారం జరుగుతోంది.

AS PART OF OPERATION GARUDA CBI DETAINS A SHIPPING CONTAINER SUSPECTED TO HAVE NARCOTICS DRUGS MIXED WITH AROUND 25000 KG INACTIVE DRIED YEAST; ENTIRE CONSIGNMENT SEIZED AND CASE REGISTERED pic.twitter.com/VLyV6bGopC

— Central Bureau of Investigation (India) (@CBIHeadquarters) March 21, 2024

డ్రగ్స్‌కు సంబంధించిన కేసులో టీడీపీకి చెందిన ఓ నేత ఉన్నారని సోషల్ మీడియాలో ఓ వార్త వైరల్ అవుతోంది. విశాఖలోని ఓ ప్రైవేట్ కంపెనీకు ఈ ఆర్డర్ వచ్చిందని.. ఆ కంపెనీ టీడీపీకి చెందిన ఓ నేతదని అంటున్నారు. అయితే ఆ టీడీపీ నేత పేరు మాత్రం బయటకు వెల్లడించడం లేదు. దీనిపై విచారణ చేపట్టిన సీబీఐ అధికారులు డ్రగ్స్ మాఫియా వెనుక ఎవరెవరు ఉన్నారో తెలుసుకునే పనిలో పడ్డారు.

English summary

viral on tdp leader is involved in a drug related case.