Madugula: వైసీపీ హ్యాట్రిక్ ను టీడీపీ-జనసేన కూటమి అడ్డుకుంటుందా ?

ఏపీలోని అనకాపల్లి లోక్ సభ నియోజకవర్గం పరిధిలోకి వచ్చే అసెంబ్లీ సీట్లలో మాడుగుల కూడా ఒకటి. ఈ అసెంబ్లీ నియోజకవర్గంలో మాడుగుల ,చీడికాడ ,దేవరపల్లె, కె.కోటపాడు మండలాలు ఉన్నాయి. దాదాపు రెండు లక్షల మంది ఓటర్లు ఉంటారు. జనాభా పరంగా చూస్తే కొప్పుల వెలమ సామాజిక వర్గం వారు ఎక్కువగా ఉంటారు. ఆ తర్వాత కాపులు, ఎస్సీలు, గవరలు కూడా ఉంటారు. రాజకీయంగా కొప్పుల వెలమల ఆధిపత్యం ఇక్కడ ఉంటుంది. కాపులకు వీరితోనే పోటీ ఉంటోంది.

టీడీపీ ఆవిర్భావానికి ముందు మాడుగులలో ఆరు ఎన్నికలు జరిగితే ఇందులో 1952 లో కృషీకార్ లోక్ పార్టీ, 1955లో ప్రజా సోషలిస్టు పార్టీ, 1962లో తెన్నేటి విశ్వనాధం ఇండిపెండెంట్ గా గెలిచారు . 1967, 1972 ఎన్నికలలో కాంగ్రెస్ గెలవగా, 1978 లో తిరిగి ఇండిపెండెంట్ గెలిచారు. టీడీపీ ఆవిర్భావం తర్వాత 9 ఎన్నికలు జరిగితే ఆరుసార్లు (1983, 1985, 1989, 1994, 1999, 2009) టీడీపీ గెలిచింది. 2004లో మాత్రం కాంగ్రెస్ గెలిచింది. రాష్ట్ర విభజన తర్వాత రెండుసార్లు (2014, 2019) వైసీపీ గెలిచింది.

వైసీపీ ఆవిర్భావం తర్వాత జరిగిన రెండు ఎన్నికల్లోనూ బూడి ముత్యాల నాయుడు గెలిచారు. గత ఎన్నికల్లో గెలిచాక ఆయన జగన్ రెండోసారి కేబినెట్ లో డిప్యూటీ సీఎం అయ్యారు. అయితే ఈ రెండు సార్లు కూడా ఆయన మెజారిటీ కేవలం 3, 4 వేలే. దీన్ని బట్టి టీడీపీ నుంచి ఆయన ఎంత గట్టి పోటీ ఎదుర్కొంటున్నారో తెలుస్తోంది. ఈసారి టీడీపీ-జనసేన పొత్తు ఉన్న నేపథ్యంలో వైసీపీ ఎమ్మెల్యే బూడి ముత్యాల నాయుడు హ్యాట్రిక్ కోసం తీవ్రంగా శ్రమించక తప్పడం లేదు.

English summary

ysrcp is looking for hattrick in madugula assembly consitutency of anakapalle loksabha seat, but tdp-janasena alliance has good change to capture it in 2024 polls.