Amazon job layoffs: అమెజాన్‌లో ఉద్యోగాల కోత.. ఆందోళనలో 10 వేల మంది!

ప్రముఖ ఈ-కామర్స్ దిగ్గజం అమెజాన్ మరోసారి ఉద్యోగులకు షాక్ ఇచ్చింది. ఇప్పటికే నవంబర్‌లో 18,000 మందిని తొలగించిన అమెజాన్, తాజాగా మరో 10,000 మంది ఉద్యోగులను ఇంటికి పంపాలని నిర్ణయించింది. ఈ నిర్ణయంపై సర్వత్రా విమర్శలు వెల్లువెత్తుతున్నాయి. ముఖ్యంగా కంప్లీట్ సర్కిల్ సీఐఓ గుర్మీత్ చద్దా సోషల్ మీడియా వేదికగా తన ఆగ్రహాన్ని వ్యక్తం చేశారు. కార్పొరేట్ జార్గన్ (అర్థం లేని పదజాలం) మరియు కృత్రిమ మేధస్సు (AI) పేరుతో ఉద్యోగాల కోతలను ఆయన తీవ్రంగా తప్పుబట్టారు.

"పీపుల్ ఎక్స్‌పీరియన్స్ హెడ్", "చీఫ్ పీపుల్ ఆఫీసర్" వంటి పదాలతో హెచ్‌ఆర్ లీడర్‌లను పిలుస్తూ, ఉద్యోగులను "కుటుంబాలు" అని సంబోధించడంపై చద్దా వ్యంగ్యంగా స్పందించారు. ఇలాంటి ఆర్భాటపు పదాలు, ముసుగుల వెనుక అమెజాన్ దాక్కుంటోందని, ఇదంతా "నాటకం" అని ఆయన దుయ్యబట్టారు. ఆవిష్కరణ పేరుతో ఉద్యోగులను తొలగించడాన్ని చద్దా తీవ్రంగా ఖండించారు. సాంకేతిక పురోగతి, ముఖ్యంగా AI వంటివి ప్రజల జీవనోపాధిని దెబ్బతీసేలా ఉండకూడదని ఆయన వాదించారు. గురునానక్ దేవ్ బోధనలను ఉటంకిస్తూ, ఏ ఆవిష్కరణ అయినా ప్రజల శ్రేయస్సుకు ప్రాధాన్యతనివ్వాలని చద్దా నొక్కి చెప్పారు. "

ఇదిలా ఉండగా, అమెజాన్ సీఈఓ ఆండీ జాస్సీ సంస్థాగత పునర్వ్యవస్థీకరణను వేగవంతం చేశారు. మధ్య స్థాయి నిర్వహణను తగ్గించి, సంస్థ సమర్థతను పెంచడమే ఆయన లక్ష్యం. 2025 నాటికి మధ్య స్థాయి మేనేజర్లను 15% తగ్గించాలనే లక్ష్యాన్ని జాస్సీ ఇప్పటికే అధిగమించారు. ఓ ఛానెల్‌కు ఇచ్చిన ఇంటర్వ్యూలో జాస్సీ ఈ నిర్ణయాన్ని సమర్థించుకున్నారు. సంస్థలో ఎక్కువ మంది చేరితే, మధ్య స్థాయి నిర్వహణ పెరిగిపోతుందని, అనవసరమైన సమావేశాలు, చర్చలు పెరుగుతాయని ఆయన అన్నారు. నిర్వహణ స్థాయిలను తగ్గించి, ఉద్యోగులకు మరింత స్వాతంత్ర్యం ఇవ్వాల్సిన అవసరం ఉందని ఆయన అభిప్రాయపడ్డారు.

జాస్సీ తీసుకున్న ఈ నిర్ణయాన్ని జెన్ Z ఉద్యోగులు స్వాగతిస్తున్నారు. సాంప్రదాయ నిర్వహణ శైలి కంటే స్వీయ-నిర్వహణను వారు ఎక్కువగా ఇష్టపడుతున్నారు. మధ్య స్థాయి నిర్వహణ బాధ్యతలు చేపట్టడానికి జెన్ Z ఉద్యోగులు ఇష్టపడటం లేదని, పర్యవేక్షణ బాధ్యతలు లేకుండానే కెరీర్‌లో ఎదగాలని వారు కోరుకుంటున్నారని ఒక సర్వేలో తేలింది.

Amazon is laying off 10000 more people after laying off 18k in November

They call their HR heads as People experience head, chief people officer and fancy names.. employees r called families.

Sab drama!!

AI or any disruption which brings misery to ur own people is useless.…

— Gurmeet Chadha (@connectgurmeet) March 17, 2025

అయితే, అమెజాన్ తీసుకొచ్చిన కార్యాలయానికి తిరిగి రావాలనే విధానం వివాదాస్పదంగా మారింది. AWS సీఈఓ మాట్ గార్మన్ ఈ విధానాన్ని సమర్థిస్తూ, కార్యాలయానికి తిరిగి రావడం వల్లనే ఆవిష్కరణలు సాధ్యమవుతాయని అభిప్రాయపడ్డారు. కానీ, చాలా మంది ఉద్యోగులు ఈ విధానం పట్ల అసంతృప్తిగా ఉన్నారు. నిరసనలు కూడా తెలిపారు. కొంతమంది ఉద్యోగులు ఏకంగా ఉద్యోగాల కోసం వెతుక్కోవడం ప్రారంభించారు.

English summary

Leading e-commerce giant Amazon has once again shocked its employees. Amazon, which had already laid off 18,000 people in November, has recently decided to send another 10,000 employees home. This decision is being widely criticized.