Avore EX Bike: సింగిల్ ఛార్జ్తో 260 కిమీ రేంజ్: కేవలం రూ.799లకే ప్రీ-బుకింగ్.. ఇంత చౌకా!!
Avore EX Bike: భారత మార్కెట్లో ఎలక్ట్రిక్ బైకులు వేగంగా ప్రాచుర్యం పొందుతున్నాయి. మార్కెట్లో కొద్దిమంది మాన్యుఫాక్చరర్స్ మాత్రమే ఎలక్ట్రిక్ బైకులను విక్రయిస్తున్నారు. ఇప్పుడు తాజాగా భారత మార్కెట్లో ఓ కొత్త ఈవీ బ్రాండ్ ప్రవేశించింది. అదే మరేదో కాదు.. గుజరాత్కు చెందిన ఎలక్ట్రిక్ మోటార్సైకిల్ స్టార్టప్ 'అవోర్'(Avore). ఈ కంపెనీ తన ఎలక్ట్రిక్ బైకులను ఆవిష్కరించింది.
ఈ బ్రాండ్ EX1, EX2, EX2S అనే మూడు మోటార్సైకిళ్లను పరిచయం చేసింది. అన్ని మోడల్ బైకులు ప్రీ-బుకింగ్ కోసం ఇప్పటికే అందుబాటులో ఉన్నాయి. వాటి డిజైన్ ప్రాథమికంగా ఒకేలా ఉన్నప్పటికీ.. బ్యాటరీ లైఫ్, రేంజ్, వేగం, ఫీచర్లలో అవి విభిన్నంగా ఉంటాయి. వాటి వివరాలను ఇప్పుడు తెలుసుకుందాం.
*ఈ బైక్ ఎంట్రీ-లెవల్ వేరియంట్ అవోర్ EX1. ఇది 3.24kWh బ్యాటరీతో వస్తుంది. దీని రేంజ్ 160 కిలోమీటర్లు. ఈ బైక్ గరిష్ట వేగం గంటకు 100 కిలోమీటర్లు. ఇది మూడు రైడింగ్ మోడ్లను అందిస్తుంది. ఈ బైక్ ధర రూ.1.23 లక్షలు (ఎక్స్-షోరూమ్).
*ఈ బ్రాండ్ అవోర్ EX2లో పెద్ద బ్యాటరీని అందించింది. ఈ బైక్ 5kWh బ్యాటరీతో వస్తుంది, ఇది 255 కిలోమీటర్ల రేంజ్ను అందిస్తుందని కంపెనీ పేర్కొంది. ఇది గంటకు 100 కిలోమీటర్ల గరిష్ట వేగాన్ని కూడా కలిగి ఉంది. ఇది మూడు రైడింగ్ మోడ్లను కూడా అందిస్తుంది. కంపెనీ ప్రకారం.. ఈ బైక్ బ్యాటరీ సుమారు రెండు గంటల్లో 20 శాతం నుంచి 80శాతం వరకు ఛార్జ్ అవుతుంది. దీనిని సాధారణ 15A సాకెట్ ఉపయోగించి ఛార్జ్ చేయవచ్చు. ఈ వెర్షన్ ధర రూ.1.46 లక్షలు (ఎక్స్-షోరూమ్).
*టాప్ మోడల్లో ఏమేమి లభిస్తాయంటే?
ఈ బ్రాండ్ టాప్ వేరియంట్ అవోర్ EX2S, దీని ధర రూ.1.70 లక్షలు (ఎక్స్-షోరూమ్). ఈ బైక్ కూడా 5kWh బ్యాటరీతో వస్తుంది, కానీ దీని గరిష్ట వేగం 114 కి.మీ/గం. ఈ వేరియంట్ 260 కి.మీల రేంజ్ను కూడా అందిస్తుందని పేర్కొన్నారు. ఇది ఐదు రైడింగ్ మోడ్లను అందిస్తుంది. ఈ బైక్లో 7-అంగుళాల టచ్స్క్రీన్ డిస్ప్లే ఉంది. కంపెనీ ఇంకా బైక్ పూర్తి స్పెసిఫికేషన్లను వెల్లడించలేదు. ఈ బైక్లను కేవలం రూ.799కే ప్రీ-బుక్ చేసుకోవచ్చని కంపెనీ పేర్కొంది. అయితే డెలివరీలు ఎప్పుడు ప్రారంభమవుతాయనే దానిపై బ్రాండ్ ఎటువంటి సమాచారం అందించలేదు.
Click it and Unblock the Notifications
Sign in with Google