ఏషియన్ పెయింట్స్ సహ వ్యవస్థాపకుడు కన్నుమూత..

ఏషియన్ పెయింట్స్ సహ వ్యవస్థాపకుడు కన్నుమూత :ఏషియన్ పెయింట్స్ సహ వ్యవస్థాపకుడు అశ్విని డానీ క‌న్నుమూశారు. ఏషియ‌న్ కంపెనీ నాన్ ఎగ్జిక్యూటివ్ డైరెక్టర్ గా పనిచేసిన కుటుంబంలో రెండో తరం వారసుడు అశ్విన్ డానీ. ఈయ‌న సెప్టెంబర్ 28న 79 ఏళ్ల వ‌య‌సులో తీవ్ర ఆనారోగ్యంతో మ‌ర‌ణించారు. ఏషియన్ పెయింట్స్ లో డైరెక్టర్ (రీసెర్చ్ అండ్ డెవలప్ మెంట్), ఎగ్జిక్యూటివ్ డైరెక్టర్, ఫుల్ టైమ్ డైరెక్టర్, వైస్ ప్రెసిడెంట్, మేనేజింగ్ డైరెక్టర్ సహా పలు పదవులు నిర్వహించారు. వ్యాపారం, పెయింట్స్ రంగానికి అత్యాధునిక భావనలను అందించడానికి R&D విభాగంలో దాతగా ప్రసిద్ది చెందారు.

అక్రోన్ యూనివ‌ర్సిటీలో.. కెమిక‌ల్ ఇంజ‌నీరింగ్‌ : అశ్విన్ డానీ 1944 సెప్టెంబ‌ర్ 26న ముంబైలో జ‌న్మించారు. అశ్విన్ డానీ ముంబై యూనివర్సిటీ నుంచి కెమిస్ట్రీలో బ్యాచిలర్ ఆఫ్ సైన్స్‌లో డిగ్రీ పూర్తి చేశారు. ఆ తర్వాత అక్రోన్ యూనివర్సిటీ నుంచి కెమికల్ ఇంజినీరింగ్ లో మాస్టర్స్ డిగ్రీ చేసేందుకు అమెరికా వెళ్లారు. 1968లో డెట్రాయిట్‌లో కెమిస్ట్ గా కెరీర్ ప్రారంభించిన తర్వాత 1968లో తన కుటుంబ వ్యాపారమైన ఏషియన్ పెయింట్స్ లో సీనియర్ ఎగ్జిక్యూటివ్ గా చేరారు. ఈ కంపెనీని అత‌ని తండ్రి సూర్య‌కాంత్ డాని 1942 లో స్థాపించారు. డాని కుమారుడు మాలావ్ కూడా కంపెనీ బోర్డులో స‌భ్యులుగా ఉన్నారు. ఫోర్బ్స్ నివేదిక ప్రకారం 2023 నాటికి అశ్విన్ డానీ సంపద సుమారు 7.7 బిలియన్ డాలర్లు. అంటే, మ‌న క‌రెన్సీలో 59వేల కోట్ల రూపాయ‌లు అన్న‌మాట‌..

ఏషియ‌న్ పెయింట్స్‌లో ఆయ‌న ప్ర‌యాణం : ఏషియ‌న్ పెయింట్స్ ఎండీగా డానీ ఉన్న సమయంలో దేశంలోనే అతిపెద్ద పెయింట్స్ తయారీ సంస్థగా ఏషియన్ పెయింట్స్ అవతరించింది. ఏషియన్ పెయింట్స్ లో సీనియర్ ఎగ్జిక్యూటివ్ గా తన ప్రయాణాన్ని ప్రారంభించారు డానీ. 1968 నుంచి మార్చి 1998 వరకు కంపెనీ వైస్ ప్రెసిడెంట్, మేనేజింగ్ డైరెక్టర్ స్థాయికి ఎదిగారు. రూ. 21,700 కోట్ల టర్నోవర్ తో ఏషియన్ పెయింట్స్ గ్రూప్ దేశంలోనే అతిపెద్ద పెయింట్ తయారీదారుగా నిలిచింది. అశ్విన్ డాని మరణంతో స్టాక్ మార్కెట్లో ఏషియన్ పెయింట్స్ షేర్లు దెబ్బతిన్నాయి.

కంప్యూట‌ర్ క‌ల‌ర్ మ్యాచింగ్ కాన్సెప్ట్‌ : అశ్విన్ డాని ఏషియన్ పెయింట్స్ లో కంప్యూటర్ కలర్ మ్యాచింగ్ అనే కాన్సెప్ట్ ను ప్రారంభించాడు. దీనిని ఇప్పుడు రంగులు, ప్లాస్టిక్స్, ప్రింటింగ్ సిరాలు, వస్త్రాలు వంటి పరిశ్రమలలో విస్తృతంగా ఉపయోగిస్తున్నారు. దానితో పాటు అపోకోలైట్, నేచురల్ వుడ్ ఫినిషింగ్, కలప ఉపరితలాల కోసం వినూత్న ఫినిషింగ్ సిస్టమ్, ఆటోమొబైల్ ఆఫ్టర్ మార్కెట్ విభాగంలో విస్తృతంగా అమలు చేయబడుతున్న ఆల్కిడ్ ఎనామెల్ ఆటోమోటివ్ రిఫైనింగ్ సిస్టమ్ వంటి అద్భుతమైన ఉత్పత్తులను సృష్టించారు అశ్విన్‌ డానీ.

English summary

Asian Paints co-founder Ashwini Dani passes away. Ashwin Dani is the second generation scion of the family who worked as a non-executive director of an Asian company. He died on September 28 at the age of 79 after a long illness,