రూ.2 లక్షల లోపు ఇండియాలో లభించే టాప్ 5 ఫాస్టెస్ట్ బైక్స్ ఇవే!

నేటి యువతకు స్పోర్ట్స్ బైకుల మీద ఉన్న క్రేజ్ గురించి ప్రత్యేకంగా చెప్పాల్సిన అవసరం లేదు. ప్రస్తుత కాలంలో యువత బైక్ కొనేటప్పుడు కేవలం మైలేజ్ మాత్రమే కాకుండా.. దాని వేగం, క్విక్ యాక్సిలరేషన్, స్పోర్టీ లుక్స్‌కు కూడా సమాన ప్రాధాన్యత ఇస్తున్నారు. ముఖ్యంగా రూ.2 లక్షల లోపు ధరలో రేసింగ్ ట్రాక్‌లతో పాటు సిటీ రోడ్లపై కూడా అద్భుతమైన పర్ఫార్మెన్స్ ఇచ్చే టాప్ 5 బైకులు గురించి ఇప్పుడు తెలుసుకుందాం.

1.బజాజ్ పల్సర్ NS400Z (Bajaj Pulsar NS400Z)

బజాజ్ సంస్థ నుంచి వచ్చిన ఈ సరికొత్త ఫ్లాగ్‌షిప్ మోడల్ ప్రస్తుతం మార్కెట్‌లో సంచలనం సృష్టిస్తోంది. ఇందులో శక్తివంతమైన 373సీసీ లిక్విడ్ కూల్డ్ ఇంజిన్‌ను అమర్చారు. ఇది గరిష్టంగా 40 hp పవర్, 35 Nm టార్క్‌ను ఉత్పత్తి చేస్తుంది. కేవలం పవర్‌లోనే కాకుండా, ఇందులో ఉన్న రైడ్-బై-వైర్ టెక్నాలజీ వల్ల వేగంగా దూసుకుపోతుంది. గంటకు 150-154 కి.మీ. టాప్ స్పీడ్ అందుకోవడం దీని ప్రత్యేకత. తక్కువ ధరలో ఎక్కువ పవర్, హై-స్పీడ్ కావాలనుకునే వారికి ఇది పర్ఫెక్ట్ ఛాయిస్.

2. సుజుకి జిక్సర్ SF 250 (Suzuki Gixxer SF 250)

ప్రీమియం స్పోర్ట్స్ బైక్ అనుభూతిని అందించడంలో సుజుకి జిక్సర్ ముందుంటుంది. ఇందులో 'సుజుకి ఆయిల్ కూలింగ్ సిస్టమ్' (SOCS) కలిగిన 249సీసీ ఇంజిన్ ఉంటుంది. ఇది 26.5 hp శక్తిని ఇస్తుంది. ఏరోడైనమిక్ బాడీ డిజైన్ వల్ల గాలిని చీల్చుకుంటూ గంటకు 150 కి.మీ. వేగంతో ప్రయాణించగలదు. 6-స్పీడ్ గేర్‌బాక్స్, డ్యూయల్ ఛానెల్ ABS వల్ల హైవేలపై అత్యంత స్థిరంగా, సురక్షితంగా ప్రయాణించవచ్చు.

3. యమహా R15 V4 (Yamaha R15 V4)

తక్కువ సీసీ (155cc) అయినప్పటికీ, యమహా తన అత్యాధునిక ఇంజనీరింగ్‌తో దీనిని ఒక 'మినియేచర్ సూపర్ బైక్'గా తీర్చిదిద్దింది. వేరియబుల్ వాల్వ్ యాక్చుయేషన్ (VVA) టెక్నాలజీ వల్ల తక్కువ వేగంలోనూ, ఎక్కువ వేగంలోనూ ఇంజిన్ అద్భుతమైన పనితీరును కనబరుస్తుంది. ఇందులో క్విక్ షిఫ్టర్, ట్రాక్షన్ కంట్రోల్, గంటకు 140 కి.మీ. టాప్ స్పీడ్ ఉంటుంది.స్టైలిష్ లుక్, ట్రాక్ రైడింగ్, హ్యాండ్లింగ్‌లో రాజీ పడని యువతకు ఇది ఫేవరెట్.

4. బజాజ్ పల్సర్ NS200 (Bajaj Pulsar NS200)

భారతీయ రోడ్లపై ఎవర్ గ్రీన్ స్పోర్ట్స్ నెక్డ్ బైక్ ఏదైనా ఉందంటే అది పల్సర్ NS200 మాత్రమే. ఇందులో 199.5సీసీ ట్రిపుల్ స్పార్క్ ఇంజిన్ 24.5 hp పవర్‌ను అందిస్తుంది. దీని గరిష్ట వేగం గంటకు 136 కి.మీ. అయినప్పటికీ, ట్రాఫిక్‌లో గానీ, ఖాళీ రోడ్లపై గానీ ఇది ఇచ్చే క్విక్ యాక్సిలరేషన్ (పికప్) అద్భుతం. స్పోర్టీ హ్యాండ్లింగ్, తక్కువ నిర్వహణ ఖర్చులు దీని ప్రధాన బలాలు.

5. సుజుకి వి-స్ట్రోమ్ SX (Suzuki V-Strom SX)

ఇది కేవలం వేగం కోసం మాత్రమే కాకుండా, లాంగ్ టూర్లు వెళ్లే అడ్వెంచర్ ప్రేమికుల కోసం రూపొందించబడింది. జిక్సర్ 250 ఇంజిన్‌నే వాడుతున్నప్పటికీ, దీని అడ్వెంచర్ టూరర్ డిజైన్ వల్ల ఇది మరింత సౌకర్యవంతంగా ఉంటుంది. గంటకు 140 కి.మీ. వేగంతో కూడా ఇది చాలా స్మూత్‌గా ప్రయాణిస్తుంది. వేగంతో పాటు కంఫర్ట్ కూడా కావాలనుకునే వారికి, ముఖ్యంగా లాంగ్ డ్రైవ్స్ చేసే వారికి ఇది బెస్ట్ ఆప్షన్.

మీరు కేవలం గరిష్ట శక్తి (Power) కావాలనుకుంటే బజాజ్ పల్సర్ NS400Z వైపు మొగ్గు చూపవచ్చు. ఒకవేళ మీకు స్పోర్ట్స్ లుక్, టెక్నాలజీ ముఖ్యమైతే యమహా R15 V4 లేదా జిక్సర్ SF 250 ఉత్తమం. తక్కువ బడ్జెట్‌లో నిత్యం వేగంగా దూసుకెళ్లాలంటే పల్సర్ NS200 సరైన ఎంపిక

English summary

fastest bikes under 2 lakh in india, Compare top speed, engine power, and performance of Bajaj Pulsar NS400Z, Suzuki Gixxer SF 250, Yamaha R15 V4, and more.