ఊరటనిచ్చిన బంగారం..సోమవారం 10 గ్రాముల ధర ఎంతంటే..?
గత కొంతకాలంగా పరుగులు పెట్టిన బంగారం ధరలు నేడు స్థిరంగా కొనసాగుతూ, పెట్టుబడిదారులకు ,కొనుగోలుదారులకు స్వల్ప ఊరటనిచ్చాయి. రికార్డు స్థాయి గరిష్టాల తర్వాత ధరలు శాంతించినప్పటికీ, బంగారానికి ఉన్న సాంస్కృతిక విలువ , పెట్టుబడి ఆకర్షణ మాత్రం చెక్కుచెదరలేదు.
మహిళలకు బంగారం కేవలం ఆభరణం మాత్రమే కాదు, అది మన సంస్కృతి, సాంప్రదాయాల్లో ఒక భాగం. తరతరాలుగా వస్తున్న ఆనవాయితీ ప్రకారం శుభకార్యాల నుండి రోజువారీ జీవితం వరకు మహిళలు పసిడిని ధరించడం తప్పనిసరి. అందుకే ధరలు ఎంత పెరిగినా, భారత్లో బంగారం డిమాండ్కు కొదవ లేదు. అంతేకాకుండా, ప్రస్తుత ఆర్థిక అనిశ్చితి నేపథ్యంలో, ఎక్కువ మంది దీన్ని సురక్షిత పెట్టుబడిగా చూస్తున్నారు.
రాష్ట్రాల వారీగా స్థిరమైన ధరలు
బంగారం ధరలు దేశవ్యాప్తంగా స్థిరంగా ఉన్నా, కొన్ని రాష్ట్రాలు తక్కువ ధరలను అందిస్తూ కొనుగోలుదారులను ఆకర్షిస్తున్నాయి.దేశంలోనే అత్యంత తక్కువ ధరలను అందిస్తున్న రాష్ట్రాలలో కేరళ ముందుంది. కొచ్చి, తిరువనంతపురం వంటి నగరాల్లో 24 క్యారెట్ల బంగారం గ్రాముకు దాదాపు రూ. 11,492 వద్ద ఉంది. మన హైదరాబాద్లో గతంలో తులానికి దాదాపు రూ. 870 వరకు పెరిగిన ధరలు నేడు స్థిరంగా ఉన్నాయి. తాజాగా 24 క్యారెట్ల గోల్డ్ గ్రాముకు రూ. 11,940 వద్ద ట్రేడవుతోంది. ఢిల్లీ, లక్నో, పాట్నా వంటి నగరాల్లో 24 క్యారెట్ల బంగారం ధర గ్రాముకు సుమారు రూ. 11,930 నుంచి రూ. 11,954 మధ్య స్థిరంగా కొనసాగుతోంది.
బంగారం ధరలు ముఖ్యంగా అంతర్జాతీయ మార్కెట్ ప్రభావం, జీఎస్టీ, మరియు డాలర్తో రూపాయి విలువ వంటి అంశాలపై ఆధారపడి ఉంటాయి. డాలర్తో రూపాయి విలువ తగ్గితే, దిగుమతి చేసుకునే బంగారం ధర పెరుగుతుంది.
24 క్యారెట్లు: ఇది 99.9 శాతం స్వచ్ఛతతో ఉంటుంది. అయితే ఇది మృదువుగా ఉండటం వల్ల ఆభరణాలు తయారు చేయడానికి అంతగా ఉపయోగపడదు.
22 క్యారెట్లు: ఇది 91.6 శాతం స్వచ్ఛతతో ఉంటుంది. ఆభరణాలు తయారు చేసేందుకు వీలుగా ఇందులో రాగి లేదా వెండి వంటి ఇతర లోహాలను కలుపుతారు.
ప్రస్తుతం ధరలు స్థిరంగా ఉన్నప్పటికీ, మార్కెట్ నిపుణులు మాత్రం మళ్లీ పెరిగే అవకాశం ఉందని హెచ్చరిస్తున్నారు. కాబట్టి, బంగారం కొనుగోలు చేయాలనుకునేవారు, లేదా పెట్టుబడి పెట్టాలనుకునేవారు ఈ అవకాశాన్ని సద్వినియోగం చేసుకోవడం మంచిది!
Click it and Unblock the Notifications
Sign in with Google