విజయ్ కార్ కలెక్షన్ చూస్తే దిమ్మతిరగాల్సిందే! రోల్స్ రాయిస్ నుంచి స్విఫ్ట్ వరకు..
తమిళనాడు నూతన ముఖ్యమంత్రిగా బాధ్యతలు చేపట్టిన 'దళపతి' విజయ్ రాజకీయాల్లోనే కాదు, కార్ల ఎంపికలోనూ తనదైన ముద్ర వేశారు. ఆయన గ్యారేజీని చూస్తే ఎవరికైనా దిమ్మతిరగాల్సిందే! కోట్లాది రూపాయల విలువైన లగ్జరీ కార్ల నుంచి సామాన్యుడి 'స్విఫ్ట్' వరకు.. విజయ్ కార్స్ కలెక్షన్ ఆయన బహుముఖ వ్యక్తిత్వానికి అద్దం పడుతోంది. విలాసం, వేగం, సౌకర్యం.. ఇలా ప్రతిదానికీ ఒక స్పెషల్ కారు ఆయన సొంతం.
రాజసం ఉట్టిపడే రోల్స్ రాయిస్, లెక్సస్
విజయ్ గ్యారేజీలో అత్యంత ఖరీదైన ఆభరణం రోల్స్ రాయిస్ ఘోస్ట్ (Rolls Royce Ghost). ప్రపంచవ్యాప్తంగా ధనికుల హోదాకు చిహ్నంగా భావించే ఈ కారు విజయ్ లగ్జరీ అభిరుచికి నిదర్శనం. దీనికి తోడు, ఇటీవల ఆయన కలెక్షన్ లో చేరిన లెక్సస్ LM 350h అందరి దృష్టిని ఆకర్షిస్తోంది. సుమారు రూ.2.20 కోట్ల ధర పలికే ఈ లగ్జరీ MPV ఒక కారులా కాకుండా 'ప్రైవేట్ లాంజ్'లా ఉంటుంది. ఇందులో 48 అంగుళాల భారీ డిస్ప్లే, అల్ట్రా-ప్రీమియం సీట్లు ఉండటం విశేషం.
ఎలక్ట్రిక్ ఎలైట్: BMW i7
పర్యావరణం పట్ల స్పృహ, అత్యాధునిక టెక్నాలజీపై మక్కువతో విజయ్ BMW i7ని ఎంచుకున్నారు. ఇది పూర్తిస్థాయి ఎలక్ట్రిక్ లగ్జరీ సెడాన్. రూ.2.5 కోట్ల విలువైన ఈ కారులో వెనుక సీటు ప్రయాణికుల కోసం 'థియేటర్ స్క్రీన్' ఉంటుంది. వేగంతో పాటు నిశ్శబ్దంగా ప్రయాణించే ఈ కారు విజయ్ మోడ్రన్ ఛాయిస్కు నిదర్శనం. అలాగే ఆయనకు కంఫర్ట్, పెర్ఫార్మెన్స్ కలయికగా ఉండే BMW 5 సిరీస్ సెడాన్ కూడా ఉంది.
రాజకీయ ప్రయాణాలకు వెల్ఫైర్
విజయ్ రాజకీయాల్లోకి ప్రవేశించిన తర్వాత ఎక్కువగా కనిపిస్తున్న వాహనం టయోటా వెల్ఫైర్ (Toyota Vellfire). సుమారు రూ.1.20 కోట్ల ధర ఉండే ఈ కారు రాజకీయ నాయకులకు ఫేవరెట్. సుదీర్ఘ నగర ప్రయాణాలు, ప్రచార కార్యక్రమాల్లో అలసిపోకుండా ఉండేందుకు విశాలమైన లెగ్రూమ్, మెత్తటి సోఫా లాంటి సీట్లు ఇందులో ఉంటాయి. అందుకే విజయ్ పబ్లిక్ అప్పీరెన్స్లకు దీనినే ఎక్కువగా వాడుతున్నారు. అలాగే రాజకీయ నాయకులు ఎక్కువగా ఉపయోగించే టయోటా ఇన్నోవా, ఫార్చూనర్, డిపెండర్ కూడా విజయ్ గ్యారెజ్ లో ఉన్నాయి.
యూరోపియన్ స్టైల్: ఆడి, మిని కూపర్
విజయ్ గ్యారేజీలో జర్మన్ ఇంజనీరింగ్కు మారుపేరైన ఆడి A8 L (Audi A8) కూడా ఉంది. ఇది ఎగ్జిక్యూటివ్ క్లాస్ సౌకర్యాలకు పెట్టింది పేరు. దీనితో పాటు, సిటీ రోడ్లపై ఉల్లాసంగా డ్రైవ్ చేయడానికి ఆయన వద్ద మిని కూపర్ S (Mini Cooper S) ఉంది. భారీ కార్ల మధ్య ఈ స్పోర్టీ కాంపాక్ట్ కారు విజయ్లోని కుర్రాడిని గుర్తుచేస్తుంది.
అందరినీ ఆశ్చర్యపరిచే 'మారుతి స్విఫ్ట్'
కోట్ల విలువైన కార్లు ఉన్నా, విజయ్ వద్ద ఒక మారుతి సుజుకి స్విఫ్ట్ (Maruti Suzuki Swift) ఉండటం అందరినీ ఆశ్చర్యపరుస్తుంది. ఎన్నికల ప్రచార సమయంలో, సామాన్యుల మధ్యకు వెళ్లేటప్పుడు ఆయన ఈ ప్రాక్టికల్ కారును వాడుతున్నట్లు నివేదికలు చెబుతున్నాయి. ఎన్ని లగ్జరీ కార్లు ఉన్నా, తన మూలాలను మర్చిపోని విజయ్ స్వభావానికి ఈ చిన్న కారు ఒక సంకేతం.
ఒకవైపు అత్యంత విలాసవంతమైన రోల్స్ రాయిస్, మరోవైపు సామాన్యుడికి చేరువైన స్విఫ్ట్.. ఈ రెండింటి కలయికే విజయ్. ఆయన వాహన శ్రేణి కేవలం డబ్బు ప్రదర్శన కోసం కాదు, అవసరానికి తగినట్టుగా, సౌకర్యాన్ని ప్రాధాన్యతగా చేసుకుని ఎంచుకున్న ఒక అద్భుతమైన కలెక్షన్. అందుకే దళపతి గ్యారేజీ అంటే ఆటోమొబైల్ ప్రేమికులకు ఒక పండగ!
Click it and Unblock the Notifications
Sign in with Google