బడ్జెట్ బాద్షా.. టాటా పంచ్ ఫేస్లిఫ్ట్ వచ్చేసింది!
Tata Punch Facelift SUV: ప్రముఖ దేశీయ వాహన తయారీ సంస్థ టాటా మోటార్స్ తన మోస్ట్ పాపులర్ మైక్రో ఎస్యూవీ టాటా పంచ్ ఫేస్లిఫ్ట్ మోడల్ను భారత మార్కెట్లో ఘనంగా విడుదల చేసింది. మరింత బోల్డ్ లుక్, అత్యాధునిక ఫీచర్లు, మెరుగైన ఇంజిన్ ఆప్షన్లతో వచ్చిన ఈ కొత్త పంచ్ ప్రారంభ ధరను రూ.5.59 లక్షలు(ఎక్స్-షోరూమ్)గా కంపెనీ నిర్ణయించింది.
నెక్సాన్ను తలపించే సరికొత్త డిజైన్
కొత్త టాటా పంచ్ డిజైన్ ఇప్పుడు టాటా ప్రీమియం ఎస్యూవీలైన నెక్సాన్, హారియర్, సఫారీలను పోలి ఉంది. ముందు భాగంలో కొత్త లైటింగ్ ఎలిమెంట్స్, పియానో బ్లాక్ ఫినిషింగ్, రీ-డిజైన్ చేయబడిన గ్రిల్, కొత్త స్కిడ్ ప్లేట్లు దీనికి స్పోర్టీ లుక్ను ఇస్తున్నాయి. కారు వెనుక భాగంలో కొత్త టెయిల్ లాంప్స్, అప్డేటెడ్ బంపర్ ఉన్నాయి. ఈ కారు ఇప్పుడు సైంటిఫిక్ బ్లూ, కారామెల్ ఎల్లో, బెంగాల్ రూజ్ రెడ్ వంటి ఆకర్షణీయమైన కలర్ ఆప్షన్లలో లభిస్తుంది.
ప్రీమియర్ ఇంటీరియర్, టెక్నాలజీ
కారు లోపల కేబిన్ ఇప్పుడు మరింత విలాసవంతంగా మార్చబడింది. టాటా లోగో వెలుగులీనేలా కొత్త ట్విన్-స్పోక్ స్టీరింగ్ వీల్ను అందించారు. 26.03 సెంటీమీటర్ల భారీ ఇన్ఫోటైన్మెంట్ సిస్టమ్, ఇన్స్ట్రుమెంట్ క్లస్టర్లో 7-అంగుళాల TFT స్క్రీన్ ఉన్నాయి. ఈ కారు స్మార్ట్, ప్యూర్, ప్యూర్ ప్లస్, అడ్వెంచర్, అకంప్లిష్డ్, అకంప్లిష్డ్ ప్లస్ అనే 6 వేరియంట్లలో అందుబాటులోకి వచ్చింది.
సీఎన్జీతో పాటు ఆటోమేటిక్ కూడా!
టాటా పంచ్ ఫేస్లిఫ్ట్లో అతిపెద్ద విశేషం ఏమిటంటే, దేశంలోనే సీఎన్జీ (CNG) ఆప్షన్తో పాటు ఆటోమేటిక్ ట్రాన్స్మిషన్ను కలిగి ఉన్న మొదటి సబ్-కాంపాక్ట్ ఎస్యూవీ ఇదే. ఇందులో మూడు ఇంజిన్ ఆప్షన్లు ఉన్నాయి. 1.2 లీటర్ టర్బో పెట్రోల్ ఇంజిన్ శక్తివంతమైన పనితీరును ఇస్తుంది. 1.2 లీటర్ నేచురల్లీ ఆస్పిరేటెడ్ పెట్రోల్ ఇంజిన్. 1.2 లీటర్ సీఎన్జీ ఆప్షన్.. కేవలం 11.1 సెకన్లలోనే 0 నుండి 100 కి.మీ వేగాన్ని అందుకోగల సామర్థ్యం దీనికి ఉంది.
భద్రతలో 'పంచ్' అదిరింది!
టాటా మోటార్స్ తన వాహనాల భద్రతకు ఇచ్చే ప్రాముఖ్యతను మరోసారి నిరూపించుకుంది. ఈ కారుకు ప్రతిష్టాత్మకమైన భారత్ NCAP 5-స్టార్ రేటింగ్ లభించింది. ఒక ట్రక్కుతో 50 కి.మీ వేగంతో ఢీకొట్టించి చేసిన లైవ్ టెస్టులో కూడా కారులోని ప్రయాణికులు సురక్షితంగా ఉన్నట్లు కంపెనీ వెల్లడించింది. 6 ఎయిర్బ్యాగ్లు, 360 డిగ్రీల కెమెరా, ఎలక్ట్రానిక్ స్టెబిలిటీ ప్రోగ్రామ్ (ESP), టైర్ ప్రెజర్ మానిటరింగ్ సిస్టమ్ (iTPMS), రెయిన్ సెన్సింగ్ వైపర్స్ వంటి అడ్వాన్స్డ్ సేఫ్టీ ఫీచర్లు ఇందులో ఉన్నాయి.
Click it and Unblock the Notifications
Sign in with Google