Hyderabad: హెచ్ఎండీఏ సువర్ణ అవకాశం.. తక్కువ ధరల్లో 1 BHK, 2 BHK ప్లాట్లు..!

బండ్లగూడ, పోచారంలో 1 BHK, 2 BHK ప్లాట్లను హెచ్ఎండీఏ విక్రయించనుంది.

మీరు హైదరాబాద్‌లో తక్కువ ధరలో 1 BHK లేదా 2 BHK అపార్ట్ మెంట్ కొనాలని చూస్తున్నారా.. అయితే మీకు హైదరాబాద్ మెట్రోపాలిటన్ డెవలప్‌మెంట్ అథారిటీ (HMDA) అందుకు అవకాశం కల్పిస్తోంది. బండ్లగూడ, పోచారంలో అందుబాటులో ఉన్న రాజీవ్ స్వగృహ ఫ్లాట్లను విక్రయించేందుకు హెచ్‌ఎండీఏ సన్నాహాలు చేస్తోంది. హైదరాబాద్‌లోని రెండు ప్రాంతాల్లో మొత్తం 904 ఫ్లాట్లు అమ్మనుంది.

హైదరాబాద్‌లోని బండ్లగూడలో 233 1BHK ఫ్లాట్లు అమ్మకానికి అందుబాటులో ఉండగా, పోచారంలో 254 1BHK, 417 2BHK ఫ్లాట్లు సిద్ధంగా ఉన్నాయి. బండ్లగూడలో సగటున 545 చదరపు అడుగుల విస్తీర్ణంలో 1 BHK ఫ్లాట్ ధర రూ. 15 లక్షలుగా నిర్ణయించగా.. అదే ప్రాంతంలో 653 చదరపు అడుగుల విస్తీర్ణంలో 1 BHK సీనియర్ సిటిజన్ ఫ్లాట్‌ల ధర రూ.18 లక్షలుగా ఉంది.

పోచారంలో 760 చదరపు అడుగుల 1 BHK రూ. 19 లక్షలు ఉండగా.. 520 చదరపు అడుగుల 1 BHK రూ. 13 లక్షలుగా నిర్ణయించారు. అపార్ట్ మెంట్ కొనుగోలు చేయాలనుకుంటే 1 బిహెచ్‌కె ఫ్లాట్‌కు 1 లక్ష, 2 బిహెచ్‌కె ఫ్లాట్‌లకు రూ.2 లక్షలు చెల్లించాలి. ఈ మొత్తాన్ని హెచ్‌ఎండీఏకు డీడీ రూపంలో చెల్లించాలి. మార్చి 25, 2023లోపు చెల్లించాలి. అలాట్‌మెంట్ జరిగిన 60 రోజులలోపు 80 శాతం చెల్లించాలి. మిగిలిన మొత్తాన్ని 90 రోజులలోపు చెల్లించవచ్చు.

పూర్తి వివరాల కోసం పోచారంలోని ఫ్లాట్‌ల కోసం ఏఈ జి. రవీందర్‌రెడ్డి సెల్‌ఫోన్‌ 9133366750, హైదరాబాద్‌లోని బండ్లగూడలోని ఫ్లాట్‌ల కోసం ఏఈ అనిల్‌కుమార్‌రెడ్డి 91333366746ని సంప్రదించాలి.

English summary

Are you looking to buy a cheap 1 BHK or 2 BHK apartment in Hyderabad.. but Hyderabad Metropolitan Development Authority (HMDA) is giving you an opportunity.