Hyderabad: తార్నాక జంక్షన్ పై కీలక నిర్ణయం..!

హైదరాబాద్ లోని తార్నాక, చుట్టుపక్కల నివసించే వాహనదారులకు ఉపశమనం కలగనుంది. తార్నాక జంక్షను పున ప్రారంభించేందుకు అధికారులు నిర్ణయం తీసుకున్నారు. దీంతో గత ఎనిమిది ఏళ్లుగా ఇబ్బంది పడుతున్న స్థానికులకు ఈ నిర్ణయం శుభవార్తగా చెప్పొచ్చు. దూరం వెళ్లి యూటర్న్ తీసుకునే వాహనదారులకు ఇప్పుడు ఆ బాధ తప్పనుంది. తార్నాక జంక్షన్ తిరిగి ప్రారంభించే విషయమై ట్రాఫిక్ ​అడిషనల్ ​సీపీ విశ్వప్రసాద్, జీహెచ్ఎంసీ జోనల్ ​కమిషనర్​ రవికిరణ్ అక్కడ పర్యటించారు.

తార్నాక జంక్షన్‎కు ఇరువైపులా ఉన్న రోడ్లను, బస్టాప్ లను, ఫుత్ ​పాత్‎లను చూశారు. ఎలాంటి మార్పులు చేయాలో అధికారులకు వివరించారు. 15 రోజుల్లోగా జంక్షన్ ను పున ప్రారంభించే అవకాశం ఉంది. ఇది జరిగితే యూ-టర్న్‎ల అవసరం ఉండదని.. కిలోమీటరు మేర ప్రయాణ భారం తగ్గుతుందని స్థానికులు చెప్పుకుంటున్నారు. 8 సంవత్సరాల క్రితం అక్కడ ట్రాఫిక్ జామ్ ఎక్కువ అవుతుందని.. ట్రాఫిక్ మేనేజ్ మెంట్ లో భాగంగా జంక్షన్ మూసి వేశారు. దీంతో కిలో మీటర్ దూరం వెళ్లి యూటర్న్ తీసుకుని వెళ్లాల్సి వచ్చేది.

రైల్వే డిగ్రీ కాలేజీ సమీపంలోకి వెళ్లి యూ టర్న్ తీసుకోవాల్సి వచ్చేది. ఇటు ఐఐసీటీ సమీపంలో యూ-టర్న్‎ ఉంది. జంక్షన్ తిరిగి ప్రారంభిస్తే ఈ యూటర్న్ లు తీసుకోవాల్సి అవసరం ఉండదు. ఈ యూటర్న్ ల వల్ల ఉదయం, సాయంత్రం వాహనదారులు గంటల తరబడి రోడ్డుపై ఉండాల్సి వస్తోంది. యూటర్న్ వద్ద ప్రమాదాలు కూడా పెరిగాయి. దీంతో జంక్షన్ తిరిగి ప్రారంభించాలని స్థానికులు కోరుతున్నారు. దీంతో అధికారులు ఈ నిర్ణయం తీసుకున్నారు. క్రాస్ రోడ్డు దిగ్బంధనంతో వాహనదారులు చాలాసేపు యూటర్న్‌లు తీసుకోవాల్సి వచ్చింది.

ఈ నిర్ణయం పట్ల తార్నాక డివిజన్ వాసులు హర్షం వ్యక్తం చేస్తూ శ్రీలతకు శనివారం కృతజ్ఞతలు తెలిపారు. జంక్షన్ వర్ద ఐలాండ్ ఏర్పాటు చేయనున్నారు. అలాగే ఇరువైపులు మూడు మీటర్ల మేర ఫుట్ పాత్ ను తగ్గించనున్నారు. దీంతోపాటు జంక్షన్ సమీపంలో ఉన్న బస్టాండ్లను తరలించనున్నారు. అటు అమీర్ పేట, మైత్రవనం చౌరస్తాలో కూడా బస్టాండ్ల తరలించే అవకాశం ఉంది. బస్టాండ్లను మెట్రో స్టేషన్ కిందికి తరలిస్తే.. ట్రాఫిక్ సమస్య తగ్గే అవకాశం ఉంది.

English summary

GHMC officials have taken a key decision on Tarnaka Junction. It has been decided to reopen Tarnaka Junction in Hyderabad.