మైనర్లు అనేది ముఖ్యం కాదు.. నేరమే ఇంపార్టెంట్, జూబ్లీహిల్స్ రేప్ ఘటనపై సోనూ సూద్

జూబ్లీహిల్స్ గ్యాంగ్ రేప్ దేశవ్యాప్తంగా చర్చకు దారితీసింది. నిందితులు మైనర్లు అయినా.. వారు చేసిన పని మాత్రం నీచమైనదని జాతి అంటోంది. నిందితులను మైనర్లుగా పరిగణించొద్దు అని పలువురు సూచిస్తున్నారు. ఆ జాబితాలో సినీ నటుడు సోనూ సూద్ కూడా చేరారు. కరోనా కాలంలో.. సాయం చేయాలని కోరితే.. సోనూ సూద్ ఆపన్న హస్తం అందించారు. రియల్ లైఫ్ హీరోగా నిలిచారు.

హైదరాబాద్ జూబ్లీ హిల్స్ పబ్ రేప్ కేసుపై సోనూసూద్ స్పందించారు. మైనర్ బాలికపై సామూహిక అత్యాచారం జరిగిందనే విషయాన్ని న్యూస్‌లో చూసి షాక్‌కు గురయ్యానని చెప్పారు. ఇది చాలా పెద్ద నేరమని.. అత్యాచారానికి పాల్పడింది మేజర్లా లేక మైనర్లా అనేది ముఖ్యం కాదన్నారు. వారు ఎలాంటి నేరం చేశారనేదే ముఖ్యమని చెప్పారు. ఇలాంటి నేరాలకు పబ్‌లు కారణం అవుతున్నాయని అనడం సరైంది కాదని సోనుసూద్ అన్నారు.

గ్రామీణ ప్రాంతాల్లో కూడా మహిళలు, మైనర్ బాలికలపై అత్యాచారాలు జరుగుతున్నాయనే విషయాన్ని గుర్తుంచుకోవాలని చెప్పారు. మనం ఆలోచించే విధానంలోనే మార్పు రావాలని అన్నారు. మహిళలు పొట్టి బట్టలు వేసుకున్నారని విమర్శిస్తున్నారని... మనం ఆలోచించే విధానం సరిగా లేనప్పుడు మనకు తప్పుడు ఆలోచనలే వస్తాయని చెప్పారు. ముందు మన థింకింగ్ మారాలని సూచించారు.

ఇటు బాలిక శరీరంపై 12 గాయాలు ఉన్నాయని. దీనిపై నిందితులను పోలీసులు ఆరా తీశారు. బాలిక‌ మెడపై తీవ్రంగా కొరకడం, రక్కడంతో గాయాలు అయ్యాయి. బాలిక మెడపై టాటూలా ఉండాలనే, మెడపై కొరికినట్లు నిందితులు తెలుపడం విశేషం. మరోవైపు పబ్‌లో బాలికను పరిచయం చేసుకునప్పటి నుండి ట్రాప్‌లోకి దించడం, అత్యాచార ఘటన, మరుసటి రెండు రోజుల వరకు ఏం జరిగింది, ఎక్కడికి పరార్ అయ్యారు, ఎవరి సహాయంతో రాష్ట్రం దాటారు.. ఇలా అనేక కోణాల్లో పోలీసులు విచారించారు.

English summary

jubilee hills rape case: six culprits are must be punished actor sonu sood demand.