మహారాష్ట్ర, హరియాణా సరే, 53 నియోజక వర్గాల ఉప ఎన్నికల కథ ఏమిటి, ఇదీ లెక్క !

Published: Thursday, October 24, 2019, 19:21 [IST]

న్యూఢిల్లీ: మహారాష్ట్ర, హరియాణా అసెంబ్లీ ఎన్నికలతో పాటు దేశంలోని అనేక రాష్ట్రాల్లోని 51 శాసన సభన నియోజక వర్గాలు, రెండు లోక్ సభ నియోజక వర్గాల్లో ఉప ఎన్నికలు జరిగాయి. కేంద్రంలో అధికారంలో ఉన్న బీజేపీ ఈ ఎన్నికల్లో సత్తా చాటు కోవాలని ప్రయత్నించింది. అయితే మహారాష్ట్రలో బీజేపీ=శివసేన అధికారంలోకి వస్తున్నా హరియాణాలో మాత్రం బీజేపీ ఊహించిన మెజరాటి సాధించలేకపోయింది. తెలంగాణ, ఉత్తరప్రదేశ్, గుజరాత్, కేరళ, మధ్యప్రదేశ్, మేఘాలయ, పంజాబ్, ఒరిశా, అస్సాం, సిక్కిం, హిమాచల్ ప్రదేశ్, అరుణాచల్ ప్రదేశ్, తమిళనాడు, పుదుచ్చేరీలో బీజేపీ, ఆ పార్టీ మిత్రపక్షాలు, కాంగ్రెస్, ఆ పార్టీ మిత్రపక్షాలు చివరి నిమిషం వరకూ నువ్వానేనా అంటూ పోటీ పడ్డాయి. మహారాష్ట్రలోని సతర్, బీహార్ లోని సమస్టిపుర లోక్ సభ స్థానాలకు ఉప ఎన్నికలు జరిగాయి.

లోక్ సభ ఉప ఎన్నికల్లో గట్టి పోటీ

మహారాష్ట్రలోని సతర లోక్ సభ ఎన్నికల్లో బీజేపీ, ఎన్సీపీ పార్టీల అభ్యర్థులు నువ్వానేనా అంటూ పోటీ పడ్డారు. ఎన్నికల అధికారులు కౌంటింగ్ చివరి రౌండ్ ఫలితాలు వెలువడించే సమయానికి బీజేపీ అభ్యర్థి ఎన్సీపీ అభ్యర్థి కంటే 76 వేల మెజారిటీ ఆధిక్యంలో ఉన్నారు. ఇక బీహార్ లోని సమస్టిపుర లోక్ సభ నియోజక వర్గంలో కాంగ్రెస్, లోక జన శక్తి పార్టీలు పోటీ పడుతున్నాయి.

తెలంగాణ 1, తమిళనాడు 2

తెలంగాణలోని హుజూర్ నగర్ సీటును టీఆర్ ఎస్ పార్టీ తన ఖాతాలో వేసుకుంది. హుజూర్ నగర్ నుంచి టీఆర్ ఎస్ పార్టీ టిక్కెట్ మీద పోటీ చేసిన సైదిరెడ్డి 43,284 ఓట్ల ఆధిక్యతంతో విజయం సాధించారు. తమిళనాడులోని రెండు శాసన సభ నియోజక వర్గాలను అధికారంలో ఉన్న అన్నాడీఎంకే పార్టీ కైవసం చేసుకుంది.