సినిమాల్లో 'లక్' లేకుంటే..: బిచ్చమెత్తుకుంటున్న హీరోయిన్

ముంబై: సినిమా అనే రంగుల ప్రపంచంలోకి అడుగు పెట్టిన ఓ యువతి ఇప్పుడు బిచ్చం ఎత్తుకుంటుంది. సినిమా రంగంలో అవకాశం లభించడం ఒక ఎత్తైతే, విజయం సొంతం చేసుకోవడం, దానిని కొనసాగించడం మరో ఎత్తుగా చెప్పవచ్చు. ఇవి కావాలంటే అదృష్టం కావాలంటారు.

ఆ 'లక్' అందకపోతే జీవితం ఎటు వెళ్తుందో తెలియదు. దానికి ఉదాహరణే ఢిల్లీకి చెందిన మిథాలీ శర్మ. ఆమెకు సినిమాలంటే ప్రాణం. దీంతో ముంబైకి వచ్చి సినిమాల్లో నటించాలనుకుంది. అందుకోసం ప్రయత్నాలు కూడా చేసింది. చివరకు, ఒక భోజ్‌పురీ చిత్రంలో హీరోయిన్‌గా నటించే అవకాశం వచ్చింది.

అయితే, ఆ సినిమా విడుదలయ్యాక బాక్సాఫీస్ వద్ద బోల్తా కొట్టింది. ఈ చిత్రం విజయం సాధించకపోవడంతో ఆమెకు హీరోయిన్‌గా నటించే అవకాశాలు రాలేదు. దీంతో, కుంగిపోయిన మిథాలీ శర్మ తిరిగి ఇంటికి కూడా వెళ్లలేకపోయింది.

సినిమాల్లో నిలదొక్కుకోలేని తాను తన తల్లిదండ్రులకు ముఖం చూపించలేకపోయింది. వేరే పనుల వల్ల జీవనోపాధి పొందేందుకు కూడా ఆమె ఆసక్తి చూపించలేదు. సినిమా తప్ప తనకు వేరే పనేమి తెలియదనుకున్న మిథాలీ జీవనం ప్రస్తుతం దుర్భరంగా మారింది.

ముంబైలోని లొకండ్ వాలా వీధుల్లో బిచ్చమెత్తుకుని బతుకుతోంది. మానసికంగా కూడా ఆమె పరిస్థితి సరిగ్గా లేదు. ఒష్విరా హౌసింగ్ సొసైటీలో ఆగి ఉన్న ఒక కారు అద్దాలను పగుల కొడుతుండగా ఆమెను పోలీసులు గుర్తించి, ఆసుపత్రికి తరలించారు. అక్కడ మిథాలీ శర్మ గురించిన విషయాలు పోలీసులకు తెలిసింది. హీరోయిన్ కావాలన్న తన కోరిక నెరవేర్చుకున్న మిథాలీ.. ఒకే ఒక్క ఫెయిల్యూర్ కారణంగా బిచ్చగత్తెగా మారింది.

English summary

In what seems to be a repeat of the famous Gitanjali Nagpal story, Oshiwara police have found a starlet begging and stealing on the roads of Lokhandwala. Mitali Shar ma, 25, took to stealing after her career stalled and her parents abandoned her for pursuing her dreams of becoming an actor.