తండ్రి లోన్ కట్టలేదని కూతుర్ని కిడ్నాప్ చేసిన ఫైనాన్స్ కంపెనీ ఏజెంట్ !

చెన్నై: తండ్రి రుణం చెల్లించలేదన్న కారణంతో లోన్ రికవరీ ఏజెంట్ అతని 11 ఏళ్ల కుమార్తెను కిడ్నాప్ చేశాడు. ఫైనాన్స్ కంపెనీకి చెందిన 27 ఏళ్ల ఏజెంట్ కిడ్నాప్ చేశాడని పోలీసులు అన్నారు. శుక్రవారం 11 ఏళ్ల బాలికను ఫైనాన్స్ కంపెనీ ఏజెంట్ కిడ్నాప్ చేశాడు. గత కొన్ని నెలలుగా రుణ వాయిదాలు చెల్లించకపోవడంతో తన కుమార్తెను ఇంటి నుంచి ఎత్తుకెళ్లినట్లు ఆమె తండ్రి ఆరోపించాడు.

నిందితుడిని పోలీసులు అరెస్ట్ చేసి జైలుకు తరలించారు. తమిళనాడులోని కీరనూర్‌లోని ఓ ప్రైవేట్ ఫైనాన్స్ కంపెనీలో 32 ఏళ్ల వనతు రాజా అనే రోజువారీ కూలీ రూ.50,000 అప్పు తీసుకున్నాడు. ఉపాధి అవకాశాలు లేకపోవడంతో రాజా కొన్ని నెలలుగా ఫైనాన్స్ కంపెనీలో తీసుకున్న అప్పు తిరిగి చెల్లించలేకపోయాడు.

ఫైనాన్స్ కంపెనీ ఏజెంట్ విఘ్నేష్ బకాయిలు వసూలు చేసేందుకు తిరునెల్వేలి జిల్లా మారుత్తూరు గ్రామంలోని రాజా నివాసానికి వెళ్లాడు. ఆ సమయంలో రాజా 11 ఏళ్ల కుమార్తె ఇంట్లో ఉంది. బాలిక తండ్రి రాజా గురించి అడగగా అతను లేడని ఆ అమ్మాయి ఫైనాన్స్ కంపెనీ ఏజెంట్ విఘ్నేష్ చెప్పింది. లేదు మీ నాన్న రాజా ఇంట్లోనే దాక్కున్నాడని విఘ్నేష్ అక్కడ గొడవ చేశాడని తెలిసింది.

విఘ్నేష్ రాజా కుమార్తెను కిడ్నాప్ చేసి ఫైనాన్స్ కంపెనీ కార్యాలయానికి తీసుకెళ్లినట్లు పోలీసులు తెలిపారు. కూతురు అదృశ్యమైన విషయం తెలుసుకున్న రాజా వెంటనే కిరనూరు పోలీసులకు ఫిర్యాదు చేశాడు. కేసు దర్యాప్తు చేసిన పోలీసులు చిన్నారి ఆచూకీ తెలుసుకుని ఫైనాన్స్‌ కంపెనీ కార్యాలయానికి చేరుకున్నారు.

తండ్రి అప్పు చెల్లించలేదని ఆమె మైనర్ కూతురిని కిడ్నాప్ చేసిన విఘ్నేష్ ను పోలీసులు అరెస్టు చేశారు. తండ్రి రుణం చెల్లించలేదని అతని కూతుర్ని ఫైనాన్స్ కంపెనీ సిబ్బంది కిడ్నాప్ చెయ్యడం కలకలం రేపింది. తమిళనాడులో ఇలాంటి సంఘటనలు చాలా జరుగుతున్నా ఫైనాన్స్ కంపెనీల యాజమాన్యంకు భయపడి చాలా మంది ఫిర్యాదులు చెయ్యడం లేదని ఓ పోలీసు అధికారి అంటున్నారు.

English summary

A finance company agent who kidnapped a minor girl in Tamil Nadu.