Byelections: 7 రాష్టాల్లో 13 ఉపఎన్నికల పోలింగ్ - ఎన్డీయే వర్సెస్ ఇండియా కూటమి పోరు.. మొదలైన ఓటింగ్..!

Byelections Voting: దేశంలో సార్వత్రిక ఎన్నికల తర్వాత మరో కీలకమైన ఎన్నికల పోరు ఇవాళ జరుగుతోంది. ఏడు రాష్ట్రాల్లోని 13 అసెంబ్లీ సీట్లకు ఉపఎన్నికలు జరుగుతున్నాయి. ఉదయం 7 గంటల నుంచే ఆయా రాష్ట్రాల్లో పోలింగ్ ప్రారంభమైంది. సార్వత్రిక ఎన్నికల తర్వాత ఇండియా కూటమితో ఎన్డీయే తలపడుతున్న పోరు కావడంతో ఈ ఉపఎన్నికలపై ఆసక్తి నెలకొంది. హోరాహోరీగా సాగిన సార్వత్రిక ఎన్నికల తరహాలోనే ఉపఎన్నికలు కూడా జరుగుతున్నాయి.

ఇవాళ ఉపఎన్నికలు జరుగుతున్న రాష్ట్రాల్లో పంజాబ్, పశ్చిమబెంగాల్, మధ్యప్రదేశ్, హిమాచల్ ప్రదేశ్, ఉత్తరాఖండ్, తమిళనాడు, బీహార్ లోని 13 అసెంబ్లీ సీట్లు ఉన్నాయి. బెంగాల్లో రాయ్ గంజ్, రాణాఘాట్, దక్షిణ్, బాగ్దా సీట్లకు ఉప ఎన్నికలు జరుగుతున్నాయి. అలాగే ఉత్తరాఖండ్ లోని బద్రీనాథ్ సీటు, మాంగ్లోర్ సీటుకు ఉపఎన్నికలు నిర్వహిస్తున్నారు. అలాగే హిమాచల్ ప్రదేశ్ లలోని డెహ్రా, హమీర్ పూర్, నలాగర్హ్ సీట్లకు ఉపఎన్నికలు జరుగుతున్నాయి. వీటిలో డెహ్రా సీటులో సీఎం సుఖ్వీందర్ సింగ్ సతీమణి కమ్లేష్ ఠాకూర్ ను పోటీలో నిలపడంతో ఫలితంపై ఉత్కంఠ నెలకొంది.

#WATCH | Bihar: JD(U) candidate Kaladhar Prasad Mandal casts his vote at a polling booth in Purnea, for Rupauli Assembly by-election. pic.twitter.com/0DsLrHIdzq

— ANI (@ANI) July 10, 2024

అలాగే తమిళనాడులోని విక్రవండి సీటుకు, బీహార్ లోని రాపౌలీ సీటుకు, మధ్యప్రదేశ్ లోని అమర్వారా సీటుకు, పంజాబ్ లోని జలంధర్ వెస్ట్ సీటుకు కూడా ఉపఎన్నికలు జరుగుతున్నాయి. ఆయా సీట్లలో ఎన్డీయే పక్షాలకూ, ఇండియా కూటమి పార్టీలకు మధ్య ముఖాముఖీ పోరు జరుగుతోంది. ఈ ఉపఎన్నికల ఓట్ల లెక్కింపును జూలై 13న చేపట్టి అదే రోజు ఫలితాలను ప్రకటిస్తారు. వీటి ఫలితాలు నేరుగా ప్రభుత్వాలపై ప్రభావం చూపకపోయినా ఓటరు నాడి ఆధారంగా భవిష్యత్ రాజకీయాలు ఆధారపడనున్నాయి.

English summary

byelection polling is going on for 13 assembly constituencies in seven states including Punjab, west benal, Madhya Pradesh, himachal pradesh, Uttarakhand, tamilnadu and bihar.