బెంగళూరులో అర్దరాత్రి మందు పార్టీ, హంగామా: స్థానికుల మీద దాడి, పోలీసులకు పట్టించి !

ఇంటి టెర్రాస్ మీద మందు, మ్యూజిక్ పార్టీ, అర్దరాత్రి చిందులుబెంగళూరులో నానా హంగామా చేసిన ఉత్తర భారతదేశ యువతీ యువకులుప్రశ్నించడానికి వెళ్లిన స్థానికులపై దాడి, పోలీసులకు అప్పగించిన స్థానిక మహిళలు

బెంగళూరు: బెంగళూరు నగరంలో రాత్రి 10 గంటల నుంచి మరుసటి రోజు వేకువ జామున వరకు పీకలదాక మద్యం సేవించిన ఉత్తర భారతదేశానికి చెందిన యువతీ యువకులు నానా హంగామా చేశారు. ప్రశ్నించడానికి వెళ్లిన స్థానికుల మీద దాడి చేసిన ఘటన బెంగళూరులోని మైకోలేఔట్ లో జరిగింది.

బెంగళూరులోని మైకోలేఔట్ పోలీస్ స్టేషన్ పరిధిలోని ఓ ఇంటిలో ఉత్తర భారతదేశానికి చెందిన యువతీ యువకులు నివాసం ఉంటున్నారు. శుక్రవారం రాత్రి ఇతర ప్రాంతాల్లో నివాసం ఉంటున్న ఉత్తర భారతదేశానికి చెందిన స్నేహితులను మైకోలేఔట్ లోని వారి ఇంటికి పిలిపించుకున్నారు.

రాత్రి 10 గంటలకు మందు పార్టీ మొదలైయ్యింది. రాత్రి ఎక్కువ సౌండ్ తో మ్యూజిక్ పార్టీ ఏర్పాటు చేశారు. మద్యం మత్తులో పాటలకు చిందులు వేస్తూ ఇంటి టెర్రాస్ మీద నానా హంగామా చేశారు. వీరి హంగామాతో నిద్రలేక స్థానికంగా నివాసం ఉంటున్న వారు విసిగిపోయారు.

ఎందుకు ఎక్కువ సౌండ్ తో పాటలు పెట్టారని స్థానికులు ప్రశ్నించడానికి వారి ఇంటికి వెళ్లారు. మద్యం మత్తులో ఉన్న యువకులు స్థానికుల మీద దాడి చేశారు. ప్రశ్నించడానికి వెళ్లిన స్థానిక మహిళలను టెర్రాస్ మీద నుంచి కిందకు తొసి వెయ్యడానికి ప్రయత్నించారు.

స్థానికులు, మహిళలు అందరూ కలిసి మద్యం మత్తులో ఉన్న యువతీయువకులను పట్టుకుని మైకోలేఔట్ పోలీసులకు అప్పగించారు. తాము మందు పార్టీ చేసుకోలేదని, దీపావళి పండుగ చేసుకుంటున్నామని విద్యార్థులు తప్పించుకోవడానికి ప్రయత్నించారని పోలీసులు అంటున్నారు.

English summary

Attacked on locals for questioning a drinks party in Bengaluru in Karnataka.