విజయ మాల్యాకు ఝలక్: గోవాలోని విల్లా స్వాధీనం

ముంబై: బ్యాంకులకు రూ.9వేల కోట్లకు పైగా ఎగ్గొట్టి లండన్‌లో ఉంటున్న కింగ్ ఫిషర్ అధినేత విజయ మాల్యాకు తొలి షాక్ తగిలింది. గోవాలోను ఆయన భవంతిని బ్యాంకు అధికారులు శుక్రవారం నాడు స్వాధీనం చేసుకున్నారు.

గోవాలోని కింగ్ ఫిషర్ విల్లాను బ్యాంకు అధికారులు ఈరోజు స్వాధీనం చేసుకున్నారు. సుమారు రూ.90 కోట్ల విలువ చేసే ఈ విల్లాను ఎస్బీఐ క్యాప్ ట్రస్టీ తన అధీనంలోకి తీసుకుంది. ఈ విల్లాను స్వాధీనం చేసుకునేందుకు ఉత్తర గోవా కలెక్టర్ గురువారం బ్యాంకు అధికారులకు అనుమతి మంజూరు చేశారు.

కాగా, విజయ్ మాల్యా గోవాకు వచ్చినప్పుడు ఈ భవంతిలోనే ఉండేవారు. ప్రముఖులకు పార్టీలు కూడా ఇందులో జరుగుతుండేవని తెలుస్తోంది. ఇదిలా ఉండగా, విజయ్ మాల్యాకు రెడ్ కార్నర్ నోటీసు జారీ చేయాలని సీబీఐ గ్లోబల్ పోలీస్ - ఇంటర్ పోల్‌కు గురువారం లేఖ రాసింది.

English summary

In the latest, bankers led by SBICAP Trustee have taken possession of Vijay Mallya’s villa in Goa.