రాహుల్ గాంధీ మీద మీకే నమ్మకం లేదు, మాపైన పడికొట్టుకుంటారా?, ధైర్యం ఉంటే?

రాహుల్ గాంధీని తమ పార్టీ ప్రధాని అభ్యర్థిగా ప్రకటించాలని కాంగ్రెస్‌ పార్టీకి కర్ణాటక మాజీ ముఖ్యమంత్రి, హవేరీ గదగ్ లోక్‌సభ నియోజకవర్గం బీజేపీ అభ్యర్థి బసవరాజ్ బోమ్మయ్ సవాల్ విసిరారు. లోక్ సభ ఎన్నికల ప్రచారంలో మాట్లాడిన మాజీ సీఎం బసవరాజ్ బోమ్మయ్ కాంగ్రెస్ పార్టీ ఇంత వరకు రాహుల్ గాంధీని ప్రధాని అభ్యర్థిగా కాంగ్రెస్ ఎందుకు చెప్పడం లేదని ప్రశ్నించారు.

రాహుల్ గాంధీ పేరు చెబితే కాంగ్రెస్ రేటింగ్ పడిపోతుందని, అందుకే ఆయన పేరు ప్రస్తావించడం లేదని, మల్లికార్జున ఖార్గే ప్రధాని అని ఇండియా కూటమి సీఎంలు అంటున్నారని బసవరాజ్ బోమ్మయ్ అన్నారు. కర్ణాటక కాంగ్రెస్‌లో వ్యతిరేకత ఉందని మల్లికార్జున ఖార్గే అన్నారు. రాష్ట్రంలో కాంగ్రెస్ ప్రభుత్వం అధికారంలోకి వచ్చి పది నెలలు కావస్తున్నా పరిపాలనా వ్యవస్థ మొత్తం కుప్పకూలిందని బసవరాజ్ బోమ్మయ్ ఆరోపించారు.

కర్ణాటకలో సంక్షేమ పథకాలు అమలు కావడం లేదని, విద్యానిధి నిలిచిపోయిందని, గృహలక్ష్మి పథకం కేవలం ముప్పై శాతం మంది మహిళలు మాత్రమే అందుతోందని మాజీ సీఎం బసవరాజ్ బోమ్మయ్ ఆరోపించారు యశస్విని పథకంలో దరఖాస్తు చేసినా ఇంతవరకు డబ్బు రాని మహిళలు ఈ లోక్ సభ ఎన్నికల్లో కాంగ్రెస్‌కు వ్యతిరేకంగా ఓటు వేసి గుణపాఠం చెప్పాలని మాజీ సీఎం బసవరాజ్ బోమ్మయ్ పిలుపునిచ్చారు.

కర్ణాటకలోని ప్రతి ఇంటిలోని మహిళకు రెండు వేలు ఇస్తామని అసెంబ్లీ ఎన్నికలకు ముందు కాంగ్రెస్ తప్పుడు ప్రచారం చేసిందని బసవవరాజ్ బోమ్మయ్ ఆరోపించారు. చాలా మంది మహిళలకు ప్రతినెలా రెండు వేల రూపాయలు ఇవ్వడం లేదని, ప్రతి నెలా రెండు వేల రూపాయలు. రాకపోతే కాంగ్రెస్‌కు వ్యతిరేకంగా లోక్ సభ ఎన్నికల్లో ఓటు వేసి కాంగ్రెస్ కు గుణపాఠం చెప్పాలని మాజీ సీఎం బసవరాజ్ బోమ్మయ్ కర్ణాటక మహిళలకు మనవి చేశారు.

పదినెలల్లో ప్రజలకు భ్రమలు తప్పా ఏమీ మిగలలేదని, మైనార్టీలకు కూడా కాంగ్రెస్ అన్యాయం చేసిందని, ఏ మైనారిటీ కోసం మీరు ఇంత వరకు ఏ ప్రణాళిక సిద్ధం చేశారో బహిరంగంగా చెప్పాలని సీఎం సిద్దరామయ్యను డిమాండ్ చేశారు. బెంగళూరులో కాంగ్రెస్ పార్టీ హజ్ భవన్ నిర్మించలేదని, బెంగళూరులో హజ్ భవన్ ను బీఎస్ యడ్యూరప్ప కట్టించారని కర్ణాటక మాజీ సీఎం బసవరాజ్ బోమ్మయ్ అన్నారు.

English summary

Former CM Basavaraj Bommai said that the Congress did not have the courage to announce Rahul Gandhi as the Prime Ministerial candidate