• search
  • Live TV
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

కమ్యూనిస్టుల బాటలో బీజేపీ-గుజరాత్ కేబినెట్ లో అన్నీ కొత్త ముఖాలే-సీఎం సహా

|

మన దేశంలో కమ్యూనిస్టుల పేరు చెబితే అంతెత్తున్న లేచే బీజేపీ ఇప్పుడు గుజరాత్ లో కమ్యూనిస్టుల కేరళ ఫార్ములాను అనుసరించింది. తాజాగా కేరళలో అసెంబ్లీ ఎన్నికల తర్వాత కమ్యూనిస్టులు సీఎం పినరయి విజయన్ మినహా మిగతా మంత్రుందరికీ మొండిచేయి చూపించగా.. ఇప్పుడు గుజరాత్ లో ఎన్నికలకు ముందే బీజేపీ ఆ పని చేసింది. కొత్త సీఎంగా ప్రమాణస్వీకారం చేసిన భూపేంద్ర పటేల్ ఇవాళ తన కేబినెట్ ను 25 మంది మంత్రులతో విస్తరించారు.

గుజరాత్ లో భూపేంద్ర పటేల్ కేబినెట్ విస్తరణ కార్యక్రమం ఇవాళ జరిగింది. రాజ్ భవన్ లో జరిగిన ఈ కార్యక్రమంలో సీఎం భూపేంద్ర పాత విజయ్ రూపాణీ కేబినెట్లో పనిచేసిన మంత్రుల్లో ఒక్కరికి కూడా తన మంత్రివర్గంలో అవకాశం కల్పించలేదు. మొత్తం 24 మంది మంత్రులనూ కొత్త వారినే తీసుకున్నారు. గుజరాత్ లో వచ్చే ఏడాది ఎన్నికలు ఉన్నాయి. దీంతో ఎన్నికలకు ముందు కేబినెట్ లో మార్పులు చేర్పులు చేయాలని భావించిన అధిష్టానం.. సీఎంగా విజయ్ రూపాణీ స్ధానంలో భూపేంద్ర పటేల్ ను తీసుకొచ్చింది. అంతే కాకుండా ఆయన కేబినెట్లో సైతం పాత వారెవరికీ చోటు కల్పించలేదు.

bjp follows kerala communist formula in gujarat cabinet formation with all new faces including cm

ఇవాళ మొత్తం 24 మంది మంత్రులు ప్రమాణస్వీకారం చేయగా.. వీరిలో 10 మంది మాత్రమే కేబినెట్ మంత్రులు. మిగతా 14 మంది సహాయ మంత్రులే. సీఎం భూపేంద్రతో కలుపుకుంటే కేబినెట్లో 25 మంది మంత్రులున్నట్లు లెక్క. గవర్నర్ ఆచార్య దేవవ్రత్ ఇవాళ వీరితో ప్రమాణ స్వీకారం చేయించారు.

bjp follows kerala communist formula in gujarat cabinet formation with all new faces including cm

కొత్త కేబినెట్లో అసెంబ్లీ స్పీకర్ రాజేంద్ర త్రివేదీతో పాటు రాష్ట్ర బీజేపీ మాజీ అధ్యక్షుడు జితూ వాఘానీకి కూడా చోటు దక్కింది. రాహుల్ గాంధీపై పరువునష్టం కేసు వేసిన సూరత్ ఎమ్మెల్యే పూర్ణేష్ మోడీకి కూడా కేబినెట్ లో చోటు కల్పించారు. ప్రస్తుత కేబినెట్ మంత్రుల్లోనూ కేవలం రాజేంద్ర త్రివేదీ, కీర్తిసిన్హ్ రాణా, రాఘవ్ జీ పటేల్ కు మాత్రమే గతంలో కేబినెట్ మంత్రులుగా పనిచేసిన అనుభవం ఉంది. వీరే కాదు తాజాగా కేబినెట్లో చోటు దక్కించుకున్న చాలా మంది తొలిసారి ఎమ్మెల్యేలు అయిన వారు కూడా ఉన్నారు. ఎన్నికలకు కేవలం 15 నెలల సమయమే ఉన్న నేపథ్యంలో బీజేపీ వేసిన ఈ పాచిక పారుతుందో లేదో చూడాల్సి ఉంది.

English summary
gujarat cm bhupendra patel has expanded his cabinet with 25 ministers. and all those are new faces.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X