మళ్లీ రగులుతున్న జంతర్ మంతర్: భారీ ఆందోళనలు

Published: Friday, September 25, 2026, 15:27 [IST]

కేంద్ర ఎన్నికల ప్రధాన కమిషనర్ జ్ఞానేష్ కుమార్ తక్షణమే తన పదవికి రాజీనామా చేయాలనే డిమాండ్ పై కాంగ్రెస్ పార్టీ దేశవ్యాప్త నిరసనలకు పిలుపునిచ్చింది. ఎన్నికల కమిషన్‌లో నిర్ణయాలు ఏకపక్షంగా సాగుతున్నాయని, ప్రజాస్వామ్య విలువలకు విఘాతం కలుగుతోందని ఆరోపిస్తూ దేశంలోని పలు నగరాల్లో కాంగ్రెస్ శ్రేణులు రోడ్లపైకి వచ్చి ప్రదర్శనలు చేపట్టాయి. వేల సంఖ్యలో కార్యకర్తలు తరలివచ్చి ఆందోళనల్లో పాల్గొంటోన్నారు.

లోక్‌సభలో ప్రతిపక్ష నేత రాహుల్ గాంధీ ఇచ్చిన పిలుపు దేశవ్యాప్త నిరసనల కార్యక్రమాన్ని చేపట్టారు. సీఈసీ ఓట్ చోరీకి పాల్పడుతున్నారని, ప్రజాస్వామ్య వ్యవస్థను అపహాస్యం చేస్తున్నారని కాంగ్రెస్ ఆరోపిస్తోంది. గత 10 నెలల కాలంలో కేంద్ర ఎన్నికల సంఘం తీసుకున్న వివాదాస్పద నిర్ణయాలపై తోటి కమిషనర్లు సుమారు 14 సార్లు లిఖితపూర్వకంగా తమ అభ్యంతరాలను వ్యక్తం చేశారంటూ వెలువడిన నివేదికలు ఈ వివాదానికి బీజం వేశాయి.

Congress Launches Nationwide Protest Delhi Jantar Mantar Against Gyanesh Kumar demand resignation

ఈ ఆందోళనల నేపథ్యంలో కాంగ్రెస్ కార్యకర్తలు పెద్ద ఎత్తున ఢిల్లీలోని జంతర్ మంతర్ కు తరలివచ్చారు. జ్ఞానేష్ కుమార్ కు వ్యతిరేకంగా నినాదాలు చేశారు. ప్లకార్డులను ప్రదర్శించారు. చేతులకు సంకెళ్లుె వేసుకుని మరీ నిరసనల్లో పాల్గొన్నారు. జ్ఞానేష్ కుమార్ తక్షణమే తన పదవికి రాజీనామా చేయాలని, ఆయను అరెస్ట్ చేయాలని నినదించార. ధర్మేంద్ర ప్రధాన్ కు వ్యతిరేకంగా అభిజిత్ డిప్కే సారథ్యంలోని కాక్రోచ్ జనతా పార్టీ చేపట్టిన ఆమరణ నిరాహార దీక్షతో మొన్నటివరకు వార్తల్లో నిలిచింది.. జంతర్ మంతర్.

Also Read

ఈ దేశాన్ని ఆ దేవుడే కాపాడాలి: రైలు ప్రయాణంలో ఎంపీ తేజస్వి సూర్య భార్యకు చేదు అనుభవం

ఇప్పుడు మళ్లీ అక్కడ అదే తరహా వాతావరణం నెలకొంది. కాంగ్రెస్ నాయకులు, కార్యకర్తల ఆందోళనలతో జంతర్ మంతర్ ఎరుపెక్కింది. పోలీసులు పలుచోట్ల బ్యారికేడ్లు ఏర్పాటు చేశారు. వారిని ఎక్కడికక్కడ అడ్డుకోవడానికి ప్రయత్నించారు. దీంతో అక్కడ తీవ్ర ఉద్రిక్త పరిస్థితులు నెలకొన్నాయి. ఇదే పరిస్థితులు.. పలు నగరాల్లో కనిపించాయి. జమ్మూ, గువాహటి, కోల్‌కతా, చండీగఢ్, పాట్నా సహా పలు నగరాల్లో కాంగ్రెస్ కార్యకర్తలు ప్లకార్డులు పట్టుకుని నిరసన వ్యక్తంచేశారు. కేంద్ర ఎన్నికల ప్రధాన కమిషనర్ జ్ఞానేష్ కుమార్ దిష్టిబొమ్మలను దహనం చేశారు.

Recommended For You

వచ్చారు.. అనుకున్నది సాధించారు.. వెళ్లిపోయారు: జంతర్ మంతర్ ఖాళీ

నిరసనకారులను అడ్డుకునేందుకు పోలీసులు రంగంలోకి దిగడంతో పలుచోట్ల తోపులాటలు చోటు చేసుకున్నాయి. పాట్నాలోని ఆర్ బ్లాక్ జంక్షన్ వద్దకు వందలాదిగా చేరుకున్న నిరసనకారులు.. కేంద్ర ఎన్నికల సంఘం పక్షపాత ధోరణిని వీడాలంటూ నినాదాలు చేశారు.

Jantar Mantar 2.0 starts with #Neha leading from the front with demand of resignation of #GyaneshKumar #AgainstEVM #ElectionCommission #GyaneshKumar #Democracy #India pic.twitter.com/i7NL1WMEPO
— Shyani Bhattacharjee (@ShyaniBhattach2) September 25, 2026

వారిని చెదరగొట్టడానికి పోలీసులు వాటర్ కేనన్లను ప్రయోగించారు. ఈ సందర్భంగా బీహార్ కాంగ్రెస్ అధ్యక్షుడు రాజేష్ రామ్ మాట్లాడుతూ కేంద్రంతో ఎన్నికల కమిషన్ రాజీపడిందని, ప్రధాని మోదీ, అమిత్ షాల నిర్దేశాల మేరకే సీఈసీ పని చేస్తున్నారని ఆరోపించారు.