Cooker bomb: షారిఖ్ కు పలువురి ఆర్థిక సహాయం ?, 40 మంది విచారణ, బ్యాంక్ అకౌంట్స్ పై ఆరా !

Published: Thursday, December 1, 2022, 11:08 [IST]

బెంగళూరు/మంగళూరు/చెన్నై: కర్ణాటకలోని మంగళూరు సిటీలో జరిగిన కుక్కర్ బాంబు పేలుడులో తీవ్రగాయాలై ఆసుపత్రిలో చికిత్స పొందుతున్న అనుమానిత ఉగ్రవాది మోహమ్మద్ షారిఖ్ ను పోలీసులు వరుసగా మూడోరోజు విచారణ చేశారు. అనుమానిత ఉగ్రవాదికి పలు రాష్ట్రాల నుంచి ఆర్థిక సహాయం అందిందని పోలీసు అధికారుల విచారణలో వెలుగు చూసింది. ఇప్పటికే ఈ విషయంలో 40 మందికిపైగా విచారణ చేశారని వెలుగు చూసింది.

కుక్కర్ బాంబు పేలుడు

మంగళూరులో ఇటీవల ఆటోలో కుక్కర్ బాంబు పేలిపోయిన విషయం తెలిసిందే. ఓ ప్రాంతంలో కుక్కర్ బాంబు పేల్చడానికి మోహమ్మద్ షారిఖ్ అలియాస్ షారిఖ్ ప్రయత్నించాడు. షారిఖ్ ఆటోలో కుక్కర్ బాంబు తీసుకు వెలుతున్న సమయంలో అదిఅనుకున్న టైమ్ కంటే ముందుగా పేలిపోయింది.

విచారణకు సహకరించలేదు

కుక్కర్ బాంబు పేలుడులో తీవ్రగాయాలైన షారిఖ్ మంగళూరులోని ఓ ప్రైవేట్ ఆసుపత్రిలో చికిత్స పొందుతున్నాడు. తీవ్రగాయాలైన షారిఖ్ చాలా నిదానంగా కోలుకుంటున్నాడు. కర్ణాటకలోని మంగళూరు సిటీలో జరిగిన కుక్కర్ బాంబు పేలుడులో తీవ్రగాయాలై ఆసుపత్రిలో చికిత్స పొందుతున్న అనుమానిత ఉగ్రవాది షారిఖ్ ను పోలీసులు వరుసగా మూడోరోజు విచారణ చేశారు.

షారిఖ్ కు ఆర్థిక సహాయం..... బ్యాంక్ అకౌంట్ లు

మోహమ్మద్ షారిఖ్ కు తమిళనాడు, మధ్యప్రదేశ్, జార్ఖండ్ తదితర ప్రాంతాల నుంచి ఆర్థిక సహాయం అందుతోందని పోలీసు అధికారుల ప్రాథమిక విచారణలో వెలుగు చూసింది. షారిఖ్ బ్యాంక్ అకౌంట్ లు, తమిళనాడుతో పాటు ఇతర రాష్ట్రాల నుంచి అతనికి అందుతన్న ఆర్థిక సహాయం గురించి పోలీసు అధికారులు ఆరా తీస్తున్నారు.

మైసూరులో 40 మంది విచారణ

షారిఖ్ తో టచ్ లో ఉన్న సుమారు 40 మందిని పోలీసు అధికారులు విచారణ చేసి వివరాలు సేకరించారు. మైసూరు ప్రాంతంలో షారిఖ్ గురించి పోలీసులు అనేక మందిని విచారణ చేశారని వెలుగు చూసింది. షారిఖ్ పూర్తిగా కోలుకున్న తరువాత పోలీసులు అతన్ని మొదట ఎన్ఐఏ అధికారులు అతన్ని అదుపులోకి తీసుకునే అవకాశం ఉంది.

మ్యాటర్ మొత్తం లాగేస్తున్నారు

ఇప్పటికే మంగళూరు కుక్కర్ బాంబు కేసు ఎన్ఐఏ అధికారులకు అప్పగించాలని కర్ణాటక ప్రభుత్వం డిసైడ్ అయిన విషయం తెలిసిందే. ఎన్ఐఏ అధికారులు విచారణ చేసిన తరవాత మంగళూరు పోలీసులు షారిఖ్ ను విచారణ చెయ్యాలని సిద్దం అవుతున్నారు. ఇప్పటికే షారిఖ్ తో ఎవరెవరు టచ్ లో ఉన్నారు ? అని పోలీసు అధికారులు పూర్తి సమాచారం బయటకు లాగుతున్నారు.

Published On December 1, 2022