చికిత్స కోసం విదేశాలకు క్యాప్టెన్ విజయ్ కాంత్, ఏం అయ్యింది!

డీఎండీకే పార్టీ వ్యవస్థాపకుడు, సినీ నటుడు క్యాప్టెన్ విజయ్ కాంత్ అనారోగ్యానికి గురికావడంతో ఆయనకు చికిత్స అందించడానికి విదేశాలకు తీసుకు వెలుతున్నారని ఆ పార్టీ సీనియర్ నాయకులు అంటున్నారు.

చెన్నై: డీఎండీకే పార్టీ వ్యవస్థాపకుడు, సినీ నటుడు క్యాప్టెన్ విజయ్ కాంత్ అనారోగ్యానికి గురికావడంతో ఆయనకు చికిత్స అందించడానికి విదేశాలకు తీసుకు వెలుతున్నారని ఆ పార్టీ సీనియర్ నాయకులు అంటున్నారు.

క్యాప్టెన్ విజయకాంత్ అనారోగ్యంతో చెన్నైలోని ప్రయివేటు ఆసుపత్రిలో చికిత్స పొందుతున్నారు. ఆయనకు మెరుగైన చికిత్స అవసరం అని వైద్యులు అభిప్రాయం వ్యక్తం చేశారని సమాచారం. ఇదే సమయంలో విజయ్ కాంత్ అభిమానులు ఆందోళనకు గురైనారు.

కొంత కాలం క్రితం అనారోగ్యానికి గురైన విజయ్ కాంత్ చెన్నైలోనే చికిత్స పొందారు. ఆ సమయంలోనే ఆయన్ను సింగపూర్ తరలిస్తారని ప్రచారం జరిగింది. అయితే ఆయన కొలుకుని ఇటీవలే ఇంటికి చేరుకున్నారు. అయితే మళ్లీ అనారోగ్యానికి గురైన విజయ్ కాంత్ గురువారం మళ్లీ ఆసుపత్రిలో చేరారు.

ఇప్పుడు ఆయనకు విదేశాల్లో చికిత్స అందించడానికి వైద్యులు సిఫారస్సు చేశారని సమాచారం. ఆదివారం లేదా సోమవారం విజయ్ కాంత్ ను చికిత్స నిమిత్తం విదేశాలకు తీసుకు వెలుతున్నారని ఆయన సన్నిహిత వర్గాలు తెలిపాయి.

English summary

Tamil Nadu: DMDK sources said that their party leader Vijayakanth will fly to foreign for treatment.