నారా భరత్ కు షాక్ ఇచ్చిన ఈడీ, ఆంధ్రా, కర్ణాటక, చెన్నైలో సినిమా చూపించారు, క్వారీల్లో !

కాంగ్రెస్ ఎమ్మెల్యే నారా భరత్ రెడ్డికి శనివారం తెల్లవారుజామున ఈడీ అధికారులు షాక్ ఇచ్చారు. ఎమ్మెల్యే నారా భరత్ రెడ్డి తన పుట్టినరోజు సందర్భంగా బళ్లారి నగరంలో ఇంటింటికి కుక్కర్లను అందించారు. ఈ నేపథ్యంలోనే ఈడీ అధికారులు దాడులు చేసినట్లు సమాచారం. కర్ణాటకలోని బళ్లారి సిటీ ఎమ్మెల్యే నారా భరత్ రెడ్డి నివాసంపై ఎన్‌ఫోర్స్‌మెంట్ డైరెక్టరేట్ అధికారులు శనివారం దాడులు నిర్వహించి పత్రాలను పరిశీలిస్తున్నారు.

ఏకకాలంలో కాంగ్రెస్ పార్టీ ఎమ్మెల్యే నారా భరత్ రెడ్డి ఇల్లు, కార్యాలయంతో పాటు ఆయనకు సంబంధించిన నాలుగు చోట్ల దాడులు చేసిన ఈడీ అధికారులు కూపీ లాగుతున్నారు. చాలా చోట్ల ఈడీ దాడులు జరిగినట్లు కన్నడ మీడియాలో వార్తలు వచ్చాయి. అయితే నారా భరత్ రెడ్డికి సంబంధించిన మరిన్ని వివరాలు తెలియాల్సి ఉందని కన్నడ మీడియా అంటోంది.

కొన్నేళ్ల క్రితం నారా భరత్ రెడ్డి నివాసం, కార్యాలయాలపై ఐటీ అధికారులు దాడులు చేశారు. బళ్లారి నగర ఎమ్మెల్యే నారా భరత్ రెడ్డికి చెందిన బెంగళూరు, చెన్నై కార్యాలయాలపైనా ఈడీ అధికారులు దాడులు చేసినట్లు సమాచారం. బళ్లారి ఎమ్మెల్యే భరత్ రెడ్డి కుటుంబం గ్రానైట్ పరిశ్రమతో పాటు కొప్పల్ జిల్లా కుకనూరు, ఆంధ్రప్రదేశ్ లోని ఒంగోలులో క్వారీల వ్యాపారం చేస్తున్నాడని ఈడీ అధికారుల గుర్తించారని తెలిసింది.

బెంగళూరు సిటీలో రిజిస్ట్రేషన్ అయిన వాహనాల్లో బళ్లారి వెళ్లిన ఈడీ అధికారులు శనివారం ఉదయం 6.30 గంటలకే నారా భరత్ రెడ్డి ఇంట్లో సోదాలు మొదలుపెట్టి పలు పత్రాలను స్వాదీనం చేసుకుని తనిఖీ చేస్తున్నారు. కాంగ్రెస్ ఎమ్మెల్యే నారా భరత్‌రెడ్డి నివాసం, ఆయన తండ్రి, మాజీ ఎమ్మెల్యే సూర్యనారాయణ రెడ్డి కార్యాలయం, మామ ప్రతాప్‌ రెడ్డి నివాసం, కార్యాలయం, ఇతర బంధువుల ఇళ్లు, కార్యాలయాల్లో ఈడీ అధికారులు సోదాలు నిర్వహించారు.

దేశ విదేశాల్లో గ్రానైట్ వ్యాపారం చేస్తున్న మాజీ ఎమ్మెల్యే నారా సూర్యనారాయణ రెడ్డి, సోదరుడు నారా ప్రతాప్‌రెడ్డి, కుమారుడు ఎమ్మెల్యే నారా భరత్‌రెడ్డి, ఎమ్మెల్యేలు రత్నబాబు, సతీష్‌ రెడ్డిలకు చెందిన 20 ఇళ్లు, కార్యాలయాలపై ఏకకాలంలో ఈడీ అధికారులు సోదాలు చేశారు. సీఆర్పీఎఫ్ జవాన్ల భద్రత నడుమ ఈడీ అధికారులు సోదాలు నిర్వహిస్తున్నారు.

English summary

ED officials raided the residence of Bellary City MLA Nara Bharat Reddy and seized many documents. ED raids on properties of Nara Bharat Reddy in Bengaluru, Chennai, Andhra Pradesh, Bellary and Koppala districts.