అడవి మధ్యలో అందమైన జలపాతం.. బెస్ట్ టూరిస్ట్ ప్లేస్ ఇదే.. ఎక్కడంటే..?

దక్షిణ భారత్ అందమైన జలపాతాలు, దట్టమైన అడవులకు నెలవుగా ఉంది. తమిళనాడు, కేరళ, కర్ణాటక రాష్ట్రాల్లో అనేక జలపాతాలు ఉన్నాయి. అయితే తమిళనాడులోని తేని జిల్లాలో ఉన్న జలపాతం గురించి తెలుసా..? పశ్చిమ కనుమలలోని వివిధ మూలికా మొక్కల మధ్యలోంచి ఈ జలపాతానికి నీరు చేరుతుంది. ఈ వాటర్ ఫాల్స్ కింద స్నానం ఆచరిస్తే అనేక రుగ్మతల నుంచి కోలుకోవచ్చని స్థానికులు చెబుతుంటారు.

అదే తమిళనాడులోని తేని జిల్లా పెరియకులం నుంచి 9 కిలోమీటర్ల దూరంలో కుంభకరై జలపాతం ఉంది. పశ్చిమ కనుమలలో కురిసే వర్షం నీరు.. వాగుల ద్వారా ఈ జలపాతానికి చేరుతుంది. అలాగే ఈ జలపాతం సహజమైన వాతావరణంలో పచ్చదనంతో నిండిన దట్టమైన అటవీ ప్రాంతాల మధ్యలో ఈ జలపాతం ఉంది. ఇక్కడ చిరుతపులి, అరుదైన కోతులు, జింకలు మనకు దర్శనమిస్తాయి.

ఈ జలపాతం దగ్గరకు ట్రెక్కింగ్ ద్వారా కూడా చేరుకోవచ్చు. దట్టమైన అడవుల మధ్య ట్రెక్కింగ్ సాహసోపేతమైన జర్నీగా ఉంటుంది. కుంభకరై జలపాతం ప్రవేశ రుసుము రూ. 15 గా ఉంది. అలాగే కుంభకరై జలపాతం సందర్శన సమయం.. ఉదయం 8 గంటల నుండి సాయంత్రం 4 గంటల వరకు ఉంటుంది. ఇక పార్కింగ్ ఫీజు చూస్తే బైక్ కు రూ. 15, కారుకు రూ. 50, బస్సులకు రూ. 100 గా నిర్ణయించారు. కుంభకరై జలపాతం వద్ద ఆంక్షలు చూస్తే.. నిషేధిత అటవీ ప్రాంతానికి ఎవరూ వెళ్లకూడదు. జలపాతంలో స్నానం చేసేటప్పుడు సబ్బు లేదా షాంపులు అనుమతించరు ఎందుకంటే అవి జంతువులకు హానికరంగా మారతాయి.

ఇక కుంభకరై జలపాతానికి సమీపంలోనే గుణ గుహలు, పిల్లర్ రాక్స్, గ్రీన్ వ్యాలీ, కొడైకెనాల్ సరస్సు, పైన్ ఫారెస్ట్, తలైయర్ జలపాతాలు ఉన్నాయి.